កំពង់ឆ្នាំង ៖ កាលពីថ្ងៃទី០៧ ខែមករា ឆ្នាំ២០២៥ ខណ្ឌរដ្ឋបាលជលផលកំពង់ឆ្នាំង បានចុះយុទ្ធនាការល្បាត និងបង្ក្រាបបទល្មើសនេសាទ ដោយបានបែងចែកជាពីរក្រុម និងបែកចែកទិសដៅនៅចំណុចភូមិសាស្ត្រ តាមដងទន្លេពាមពេច ភូមិពាមពពេច ឃុំកោះថ្កូវ និង នៅចំណុចភូមិពាមឆ្កោក ឃុំពាមឆ្កោក ស្រុកជលគិរី ខេត្តកំពង់ឆ្នាំង ។
+ក្រុមទី១៖ផ្នែករដ្ឋបាលបាលជលផលកំពង់ប្រាសាទ កម្លាំងសរុបចំនួន ៤នាក់ និងមធ្យោបាយបាឡាស្មាច់ចំនួន ០១គ្រឿង ចុះបង្ក្រាបបទល្មើសជលផលបានប្រទះឃើញការធ្វើនេសាទ ប្រើដោយឧបករណ៍របាំងលូស្បៃមុង ស្ថិតនៅ ក្នុងភូមិសាស្ត្រតាមដងទន្លេពាមពេច ភូមិពាមពពេច ឃុំកោះថ្កូវ និងចំណុចព្រែកយួន ភូមិថ្មី (អន្លង់អក) ឃុំកំពង់អុស ស្រុកជលគិរី ខេត្ត កំពង់ឆ្នាំង។
+ក្រុមទី២៖សង្កាត់រដ្ឋបាលជលផលជលគិរី កម្លាំង០៥ និងមធ្យោបាយបាឡាស្មាច់ ០២គ្រឿង បានចុះប្រតិបត្តិការប្រទះឃើញដុំសម្រាស់នៅចំណុចភូមិពាមឆ្កោក ឃុំពាមឆ្កោក ស្រុកជលគិរី ខេត្តកំពង់ឆ្នាំង។
ក្នុងសកម្មភាពល្បាតនេះ ក្រុមការងារបានឯកភាពគ្នារុញ និងកាប់បំផ្លាញឧបករណ៍នេសាទខុសច្បាប់នៅនឹងកន្លែង លទ្ធផលដូចខាងក្រោម៖
-សម្រាស់ចំនួន០១ករណី ស្មើនឹង ០៨ កន្លែង ទំហំប្រមាណ ២៧០០ម៉ែត្រការ៉េ មែកសម្រាស់ចំនួន១៨០មែក បង្គោលចំនួន ២៧ដើម ខ្សែចំណង ១៥០ម៉ែត្រ។
-របាំងស្បៃមុងចំនួន០១ករណី ស្មើនឹង ៧ កន្លែង ប្រវែង១៥០ ម លូស្បៃមុងចំនួន ៧ គ្រឿង បង្គោលចំនួន១០០ ដើម និងចាក់លែងត្រីចំរុះចូលដែននេសាទវិញ ចំនួន៥០គីឡូក្រាម ៕
