ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ
សារលិខិតថ្លែងអំណរគុណ
ខ្ញុំបាទរុន សារ៉េត ចាងហ្វាងការផ្សាយអង្គភាពគេហទំព័រកម្ពុជាអភិវឌ្ឍន៍ សូមជំនួសមុខឱ្យក្រុមគ្រួសារនៃសព លោក ឈឿង ឈឹងភ្នាក់ងារសារព័ត៌មាន គេហទំព័រកម្ពុជាអភិវឌ្ឍន៍ និងតាងនាមខ្ញុំផ្ទាល់ សូមសំដែងនូវគារវ: ភក្តី និងការគោរពថ្លែងអំណរគុណយ៉ាងជ្រាលជ្រៅជាទីបំផុតចំពោះឯកឧត្តមប្រាក់សោភ័ណ្ឌ អភិបាលនៃគណៈអភិបាលខេត្តសៀមរាប លោកប្រធានមន្ទីរព័ត៌មានខេត្តសៀមរាបព្រមទាំង សម្តេច ឯកឧត្តម លោកជំទាវ លោកឧកញ៉ា អស់លោក លោកស្រី អ្នកនាងកញ្ញា និងញាតិមិត្តជិតឆ្ងាយ ព្រមទាំងបងប្អូនអ្នកសារព័ត៌មានទាំងអស់ ដែលបានផ្តល់កិត្តិយសដ៏ឧត្តុង្គឧត្តមចូលរួមរំលែកទុក្ខដល់ក្រុមគ្រួសារនៃសព លោក ឈឿង ឈឹងតាមរយៈសារលិខិតរំលែកទុក្ខ និងបានឆ្លៀតពេលវេលាដ៏មមាញឹកចូលរួមផ្តល់នូវកិត្តិយសដ៏ថ្លៃថ្លាក្នុងពិធី បុណ្យសពលោក ឈឿង ឈឹង ដែលត្រូវជាឪពុក ឪពុកក្មេក និងជីតាប្រកបដោយស្វាមុីភ័ក្រព្រហ្មវិហារធម៌ អង្គភាពកម្ពុជាអភិវឌ្ឍន៍របស់យើងខ្ញុំ លោកបានទទួលមរណ:ភាពនៅថ្ងៃសៅរ៍ ៧កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែធ្នូ ឆ្នាំ២០២៤ វេលាម៉ោង២.១០នាទី រំលោងអធ្រាត្រ ក្នុងជន្មាយុ ៦២ឆ្នាំ។
ជំនួសឲ្យក្រុមគ្រួសារនៃសពខ្ញុំបាទ រុន សារ៉េតជាចាងហ្វាងសារព័ត៌មានកម្ពុជាអភិវឌ្ឍន៍ នឹងចងចាំជានិច្ចនូវសមានចិត្ត និងមនោសញ្ចេតនាដ៏ឧត្តុង្គឧត្តមប្រកបដោយ សប្បុរសធម៌ និងគុណូបការៈដ៏ថ្លៃថ្លា ភ្នាក់ងាររបស់ខ្ញុំបាទ ព្រមទាំងក្រុមគ្រួសារនៃសពមានទុក្ខដ៏សែនក្រៀមក្រំនេះ។
ជំនួសឱ្យក្រុមគ្រួសារនៃសពខ្ញុំបាទរុនសារ៉េត សូមគោរពជូនពរសព្ទសាធុការចំពោះ សម្តេច ឯកឧត្តម លោកជំទាវ លោក ឧកញ៉ា អស់លោក លោកស្រី អ្នកនាងកញ្ញា និងញាតិមិត្តជិតឆ្ងាយទាំងក្នុង និងក្រៅប្រទេស សូមបានប្រកបដោយពុទ្ធពរ ទាំងប្រាំប្រការគឺអាយុ វណ្ណៈ សុខៈ ពលៈ និងបដិភានៈ កុំបីឃ្លៀងឃ្លាតឡើយ។ សូមអរគុណ!
