សាលាខេត្តប៉ៃលិន ៖ នាថ្ងៃទី២០ ខែវិច្ឆិកា ឆ្នាំ២០២៤ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអញ្ជើញជួបប្រជុំពិភាក្សាការងារជាមួយប្រតិភូថៃ ដែលដឹកនាំដោយឯកឧត្តម មន្តសិទ្ធ ផៃសានថាណាវឌ្ឍ (H.E. Monsit Paisanthanawat) អភិបាលខេត្តចាន់បុរី ប្រទេសថៃ ដើម្បីពិភាក្សាលើខ្លឹមសារនៃកិច្ចព្រមព្រៀងស្តីពីការសាងសង់ស្ពានឆ្លងកាត់ ដើម្បីបង្កើនសក្តានុពលពាណិជ្ជកម្មរវាងប្រទេសថៃ និងកម្ពុជា ឲ្យកាន់តែងាយស្រួលនិងឆាប់រហ័ស ជាពិសេសជម្រុញសក្កានុពលសេដ្ឋកិច្ចរវាងខេត្តប៉ៃលិន (ប្រទេសកម្ពុជា) និងខេត្តចាន់បុរី ប្រទេស(ថៃ)ផងដែរ។
គួរបញ្ជាក់ដែរថា៖គម្រោងការសាងសង់ស្ពានថ្មីព្រំដែននៅច្រកទ្វារព្រំដែនអន្តរជាតិព្រំ (ខេត្តប៉ៃលិន) និងខេត្តចាន់បុរី ប្រទេសថៃ នេះ មានបណ្តោយប្រវែង៤០ម៉ែត្រ និងទទឹង ២១ម៉ែត្រ ផងដែរ ៕
ដោយ សេន ត
