ស្រវឹងស្រាឈ្លោះជេរគ្នាជាមួយប្តី ភ័យខ្លាចប្តីវ៉ៃ រត់ចុះពីលើផ្ទះជាន់ខុសកាំជណ្ដើរបុកកន្ទុយគោយន្ត (ស្លាប់)

ស្រវឹងស្រាឈ្លោះជេរគ្នាជាមួយប្តី ភ័យខ្លាចប្តីវ៉ៃ រត់ចុះពីលើផ្ទះជាន់ខុសកាំជណ្ដើរបុកកន្ទុយគោយន្ត (ស្លាប់)
ខេត្តបាត់ដំបង÷ស្រុកសំពៅលូននៅចំណុចក្រុមទី០៥ ភូមិបឹងក្ទម្ព ឃុំសិរីមានជ័យ ស្រុកសំពៅលូន ខេត្តបាត់ដំបង នៅថ្ងៃទី២៥ ខែកញ្ញា ឆ្នាំ២០២៤ វេម៉ោងប្រហែល ០០ និង ១០ នាទី មានករណីអំពើហិង្សានៅក្នុងគ្រួសារ បង្កឡើងដោយជនសង្ស័យជាប្តីឈ្មោះ អ៊ូច ជ្រឿន ភេទប្រុស អាយុ ៤៩ ឆ្នាំ មានទីលំនៅភូមិបឹងក្ទម្ព ឃុំសិរីមានជ័យ ស្រុកសំពៅលូន ខេត្តបាត់ដំបង បានស្រវឹងស្រាឈ្លោះជេរគ្នាជាមួយប្រពន្ធឈ្មោះ ឌឿក រី ភេទស្រី អាយុ ៥១ ឆ្នាំ ដោយប្រពន្ធក៏ស្រវឹងស្រាដែរ ហើយប្រើឲ្យប្តីកោសខ្យល់ឲ្យ តែដោយប្តីស្រវឹងស្រាដែរមិនបានកោស ប្រពន្ធក៏ឈ្លោះជេរប្តី ហើយប្តីក៏បានចាប់ប្របួចសក់បំរ៉ុងវាយ ក៏ត្រូវក្មួយឈ្មោះ សុខ ឌី ភេទប្រុស អាយុ ៤២ ឆ្នាំ ឡើងទៅលើផ្ទះឃាត់ ចាប់បំបែកចេញ ក្រោយពេលចាប់បំបែកចេញហើយ ប្រពន្ធដោយខ្លាចប្តីវាយ ក៏បានរត់ចុះពីលើផ្ទះ ជាន់ខុសកាំជណ្តើរក៏បណ្តាលឲ្យធ្លាក់ពីលើផ្ទះរមៀលធ្លាក់មកលើដី ដែលមានកំពស់ ១,៣០ ម៉ែត្រ និងបន្តរត់ទៅបុកឈើរនឹងកន្ទុយគោយន្តដែលទុក្ខនៅមុខផ្ទះ បណ្តាលឲ្យរងរបួសសន្លប់លែងដឹងខ្លួន រហូតដល់ម៉ោងប្រហែល ០១ ជាង ថ្ងៃដដែល ជនរងគ្រោះជាប្រពន្ធក៏បានដាច់ខ្យល់ស្លាប់តែម្តង។ បន្ទាប់ពីទទួលពត៌មានពីប្រជាពលរដ្ឋ នៅថ្ងៃទី ២៥ ខែកញ្ញា ឆ្នាំ២០២៤ វេលាម៉ោង ៨ និង ៣០ នាទី កម្លាំងជំនាញ នៃអធិការដ្ឋាននរគរបាលស្រុកសំពៅលូន បានសហការជាមួយកម្លាំងប៉ុស្តិ៍នគរបាលរដ្ឋបាលសិរីមានជ័យ បានចុះទៅដល់ទីកន្លែងកើតហេតុ និងបានឃាត់ខ្លួនជនសង្ស័យជាប្តីឈ្មោះ អ៊ូច ជ្រឿន ភេទប្រុស អាយុ ៤៩ ឆ្នាំ នាំមកកាន់អធិការដ្ឋាននគរបាលស្រុកសំពៅលូន កសាងសំណរឿងចាត់ការតាមនីតិវិធីច្បាប់។