សហភាពសហព័ន្ធយុវជនកម្ពុជាខេត្តស្វាយរៀងសហការជាមួយក្លឹបព្រះខ័ណ្ឌរាជខេត្តស្វាយរៀងបានរៀបចំកម្មវិធីចែករំលែកបទពិសោធន៍ដល់គ្រូបង្វឹកនិងកីឡាករដែលនឹងត្រូវចូលរួមប្រកួតពានង្វាន់ស្វាយរៀង super cup លើកទី ១ ឆ្នាំ ២០២៤
ខេត្តស្វាយរៀង : កាលពីថ្ងៃសៅរ៍ ៧ រោចខែ អាសាឍ ឆ្នាំ រោង ឆស័ក ព.ស ២៥៦៨ ត្រូវនឹងថ្ងៃទី ២៧ ខែ កក្កដា ឆ្នាំ ២០២៤ សហភាពសហព័ន្ធយុវជនកម្ពុជា ខេត្ត ស្វាយរៀង សហការជាមួយក្លឹបព្រះខ័នរាជ ខេត្តស្វាយរៀងបានរៀបចំកម្មវិធីចែករំលែកបទពិសោធន៍ដល់គ្រូបង្វឹកនិងកីឡាករដែលនឹងត្រូវចូលរួមប្រកួតពានរង្វាន់ស្វាយរៀង super club លើកទី ១ ឆ្នាំ ២០២៤ ។
កម្មវិធីទាំង០២ រួមមានដូចខាងក្រោម:
១.ការចែករំលែកបទពិសោធន៍ជូនដល់គ្រូបង្វឹកនិងគ្រូជំនួយទាំង ១៦ ក្រុមអំពីរបៀបនៃការដឹកនាំក្រុមនិងបច្ចេកទេសក៏ដូចជាយុទ្ធសាស្ត្រឬប្រព័ន្ធលេងនៅលើទីលានប្រកួតដោយ លោក សំ វណ្ណដេតប្រធានបច្ចេកទេសក៏ដូចជាយុទ្ធសាស្ត្រឬប្រព័ន្ធលេងនៅសាលាបាល់ទាត់ព្រះខ័នរាជស្វាយរៀង។
(នៅកីឡាដ្ឋានខេត្តស្វាយរៀង)
២.ការចែករំលែកបទពិសោធន៍ដល់ប្រតិភូក្រុមនិងកីឡាករទាំងអស់នៅបច្ចេកទេសនៃការលេងនៅលើទីលានប្រកួតមួយចំនួនពីកីឡាអតីជម្រើសជាតិ
(អោម ឧត្តម ; រស់ គង់សម្រេច ;សុខសំណាង )ព្រមទាំងមានការធ្វើបទបង្ហាញនៅច្បាប់ល្បែងនិងបទបញ្ជាបច្ចេកទេសមួយចំនួនសម្រាប់ក្រុមនីមួយៗបានត្រៀមខ្លួនក្នុងព្រឹត្តិការណ៍ប្រកួត ។
(នៅសាលប្រជុំនៃសាកលវិទ្យាល័យស្វាយរៀង)
កម្មវិធីទាំង ២ នេះរៀបចំឡើងក្រោមការចង្អុលបង្ហាញពី ឯកឧត្តម ឌី វិជ្ជា
ប្រធានសហភាពសហព័ន្ធយុវជនកម្ពុជាខេត្តស្វាយរៀងនិងជាប្រធានក្លឹបបាល់ទាត់ព្រះខ័នរាជស្វាយរៀងក្នុងគោលបំណងចែករំលែកបទពិសោធន៍នៃការដឹកនាំក្រុមបច្ចេកទេសលេង
ក៏ដូចជាច្បាប់ល្បែងនិងបទបញ្ជាផ្សេងៗជូនដល់គ្រូបង្វឹកគ្រូជំនួយប្រតិភូក្រុមនិងកីឡាករទាំង ១៦ក្រុមដើម្បីត្រៀមលក្ខណៈគ្រប់គ្រាន់រួចជាស្រេចដើម្បីចូលរួមប្រកួតពានរង្វាន់ខេត្តស្វាយរៀង super cup លើកទី១
ឆ្នាំ ២០២៤ ដែលនឹងចាប់ផ្ដើមប្រកួតចាប់ពីថ្ងៃអាទិត្យទី ២៨ ខែ កក្កដា ឆ្នាំ ២០២៤ តទៅ ។
.អរគុណសន្តិភាព កីឡានាំមកនូវសុខភាព យើងទាំងអស់គ្នាជៀសឲ្យឆ្ងាយពីគ្រឿងញៀន.៕ដោយ មាស សំអៀន
