ខេត្តស្វាយរៀង: កាលពីរសៀលថ្ងៃទី ២៣ ខែ កក្កដា ឆ្នាំ ២០២៤ មន្ត្រីជាន់ខ្ពស់ក្រសួងអភិវឌ្ឍន៍ជនបទអញ្ជើញពិនិត្យវឌ្ឍនៈភាពផ្លូវជាតិមួយខ្សែដែលបានកសាងរួចរាល់ជាស្ថាពរដែលលាតសន្ធឹងពីភូមិឫស្សីព្រៃទៅដល់ភូមិតាស្អាងរហូតទៅដល់ ភូមិជាឬស្សី និងឆ្លងកាត់ភូមិ
វាល្ងើត ភូមិតាជ័យ ស្ថិតនៅក្នុង ឃុំ
កំពង់ចំឡង ស្រុក ស្វាយជ្រុំខេត្តស្វាយរៀង។
អញ្ជើញចូលរួមក្នុងពិធីនោះរួមមាន លោកសំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀងនិងសហការី លោកស្រីមេឃុំកំពង់ចំឡង យោក សុខា និងក្រុមប្រឹក្សាឃុំ លោកមេភូមិលោកអនុភូមិលោកប្រជាការពារព្រមទាំងប្រជាពលរដ្ឋជាច្រើនរូបផងដែរ។
នៅក្នុងឱកាសនោះដែរ ឯកឧត្តម តំណាងដ៏ខ្ពង់ខ្ពស់របស់ ឯកឧត្តម
ឆាយ រិទ្ធិសែន រដ្ឋមន្ត្រីក្រសួងអវត្តជនបទបានផ្ដាំផ្ញើសាកសួរសុខទុក ពីសំណាក់ឯកឧត្តមរដ្ឋមន្ត្រីជូនចំពោះលោកតាលោកយាយលោកមា លោកមីង ពុកម៉ែបងប្អូនយើងទាំងអស់គ្នាថាក្នុងនាមក្រសួងអភិវឌ្ឍន៍ជនបទសូមធ្វើការប្រគល់ផ្លូវនេះជូនពុកម៉ែបងប្អូនយើងទាំងអស់គ្នាចាប់ពីពេលនេះតទៅហើយក្រសួងនិងខិតខំបន្ថែមទៀតដើម្បីធ្វើឲ្យប្រទេសកម្ពុជាយើងឈានទៅរកភាពសំបូររុងរឿងលើគ្រប់វិស័យក្រោមការដឹកនាំដ៏ត្រឹមត្រូវរបស់ សម្ដេច មហាបវរធិបតី
ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា។
បន្ទាប់មកទៀតលោកសំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀងបានមានប្រសាសន៍ផ្ដាំផ្ញើដល់អាជ្ញាធរដែនដីនិងប្រជាពលរដ្ឋយើងទាំងអស់គ្នាចូលរួមថែរក្សាផ្លូវនេះឲ្យបានគង់វង់យូរអង្វែង។
ជាចុងក្រោយលោកស្រីមេឃុំកំពង់ចំឡងយោក សុខា តំណាងឲ្យប្រជាពលរដ្ឋទាំងអស់សូមថ្លែងអំណរគុណយ៉ាងជ្រាលជ្រៅចំពោះប្រមុខថ្នាក់ដឹកនាំរាជរដ្ឋាភិបាលក៏ដូចជាថ្នាក់ដឹកនាំខេត្តនិងថ្នាក់ដឹកនាំក្រសួងជនបទដែលបានកសាងអភិវឌ្ឍន៍ហេដ្ឋារចនាសម្ព័ន្ធលើគ្រប់វិស័យរបស់ឃុំដូចបានទទួលសមិទ្ធផលផ្លូវជាតិមួយខ្សែនាពេលនេះយើងខ្ញុំទាំងអស់គ្នាសូមបួងសួងដល់ទេវតានិងបារមីស័កសិទ្ធក្នុងលោក
តាមជួយបីបាច់ថែរក្សាប្រមុខថ្នាក់ដឹក
នាំគ្រប់ជនថ្នាក់ទាំងអស់ទាំងអស់ជួបប្រទះតែ:
សុភមង្គលល្អ
វាសនាល្អ
សុខភាពល្អ
អាយុយឺនយូរនិងទទួលបានជ័យជំនះគ្រប់ភារកិច្ចការងារ។
ព្រមទាំងពុទ្ធពរទាំង៤ប្រការគឺ:
អាយុវណ្ណៈ
សុខៈពលៈ
បដិភាណៈកុំបីឃ្លៀងឃ្លាតឡើយ។
យើងខ្ញុំទាំងអស់គ្នាសូមបន្តការគាំទ្រ
រាជរដ្ឋាភិបាលសព្វថ្ងៃជារៀងរហូត ៕
(អរគុណសន្តិភាព)…!
