(ឧត្តរមានជ័យ)៖នាព្រឹកថ្ងៃទី២០ ខែកក្កដា ឆ្នាំ២០២៤ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានចូលរួមក្នុងវេទិកាសាធារណៈរបស់រាជរដ្ឋាភិបាលចុះមូលដ្ឋានខេត្តឧត្តរមានជ័យ នៅក្នុងមូលដ្ឋានស្រុកចុងកាល់ ដែលមានអ្នកចូលរួមសរុបចំនួន ១១៥៧នាក់។ តាមរយៈវេទិកានេះ ឯកឧត្តម អភិបាលខេត្ត អាចវាយតម្លៃបានថារដ្ឋបាលស្រុកបានផ្តល់នូវសេវាសាធារណៈបានយ៉ាងល្អប្រសើរជូនដល់បងប្អូនប្រជាពលរដ្ឋ គួរជាទីកោតសរសើរ និងលើកទឹកចិត្ត។

ទន្ទឹមនឹងនេះ ឯកឧត្តម មាន ចាន់យ៉ាដា សូមឱ្យមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ត្រូវយកចិត្តទុកដាក់ជំរុញយន្តការសមាគមមនុស្សចាស់ឱ្យដំណើការផុសផុលឡើងវិញទូទាំង ២៤ឃុំ-សង្កាត់ ក្នុងខេត្តឧត្តរមានជ័យ។