ឯកឧត្តម សុខ ចាន់ភក្តី អនុប្រធានក្រុមការងារគណបក្សថ្នាក់កណ្តាលចុះមូលដ្ឋានខេត្តក្រចេះនិងជាប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកចិត្របុរី បានដឹកនាំក្រុមការងារ សហការជាមួយឃុំសំបុក មានសទ្ធាជ្រះថ្លានូវក្នុងព្រះពុទ្ធសាសនា នាំយកនូវទានព្រះវស្សាចំនួន ៤វត្ត នៅក្នុងឃុំសំបុក
ក្រចេះ÷នៅព្រឹកថ្ងៃសៅរ៍ ទី១៣ ខែកក្កដា ឆ្នាំ២០២៤ នេះ ឯកឧត្តម សុខ ចាន់ភក្តី អនុប្រធានក្រុមការងារគណបក្សថ្នាក់កណ្តាលចុះមូលដ្ឋានខេត្តក្រចេះ និងជាប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកចិត្របុរី បានដឹកនាំក្រុមការងារ សហការជាមួយឃុំសំបុក មានសទ្ធាជ្រះថ្លានូវក្នុងព្រះពុទ្ធសាសនា នាំយកនូវទានព្រះវស្សាចំនួន ៤វត្ត នៅក្នុងឃុំសំបុក ព្រមទាំងទេយ្យទានមួយចំនួនមានដូចជា:
-ទានព្រះវស្សាចំនួន១គូរ/វត្ត
-អង្ករចំនួន៥០គីឡូក្រាម/វត្ត
-មីចំនួន២កេះ/វត្ត
-ត្រីខចំនួន១យួរ/វត្ត
ទឹកសុទ្ធចំនួន១កេះ/វត្ត
-ភេសជ្ជៈចំនួន១កេះ/វត្ត
-ទឹកត្រី ទឹកសុីអុីវចំនួនមួយយួរ/វត្ត
ព្រមទាំងបច្ច័យក្នុងមួយវត្តចំនួន២០មុឺនរៀល ដោយក្នុងនោះផងដែរ យាយយី តាជីសរុបទាំងអស់ចំនួន ១៥នាក់ ដោយក្នុងម្នាក់ៗទទួលបាន២មុឺនរៀន នឹងកញ្ចប់ឃីតក្នុងម្នាក់ៗទទួលបានអំណោយចំនួន១កញ្ចប់ផងដែរ។
នាឱកាសព្រឹកនោះដែរ ឯកឧត្តម សុខ ចាន់ភក្តី ប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកចិត្របុរី បានចាត់ ឯកឧត្តម ព្រីង ព្រុំ ក្រុមការងារចល័តអោយដឹកនាំក្រុមការងារមួយក្រុមផ្សេងទៀត អោយសហការជាមួយ សមាគមសម្ព័ន្ធយុវជនដើម្បីសន្តិភាព សាខាខេត្តក្រចេះ ដេីម្បីនាំយកនូវអំណោយដ៏ថ្លៃថ្លារបស់ ឯកឧត្តម នេត្រ ភត្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងារគណបក្សថ្នាក់កណ្តាលចុះមូលដ្ឋានខេត្តក្រចេះទៅសួរសុខទុក្ខ និងចែកជូនប្រជាពលរដ្ឋដែលជួបការខ្វះខាតចំពោះមុខចំនួន១៥គ្រួសារ ក្នុងភូមិ ឃុំថ្មី ស្រុកចិត្តបុរី។
