ជនជាតិខ្មែរម្នាក់ដែលដឹកបារីគេចពន្ធ ៩០០ សុងចូលក្នុងប្រទេសថៃត្រូវបានទាហានថៃឃាត់ខ្លួន ប្រទេសថៃ

ជនជាតិខ្មែរម្នាក់ដែលដឹកបារីគេចពន្ធ ៩០០ សុងចូលក្នុងប្រទេសថៃត្រូវបានទាហានថៃឃាត់ខ្លួន
ប្រទេសថៃ
 ទាហានថៃឃាត់ខ្លួនជនជាតិខ្មែរម្នាក់ដែលទំនងជាមានមុខរបររកស៊ីនាំបារីឆ្លងដែនគេចពន្ធពីកម្ពុជាទៅក្នុងប្រទេសថៃត្រូវបានយោធាថៃឃាត់ខ្លួននៅក្បែរព្រំដែនរួមជាមួយនឹងវត្ថុតាងជាច្រើន ខណៈដែលជនជាតិខ្មែររូបនេះកំពុងបើកបររថយន្តចូលទៅក្នុងទឹកដីថៃព្រមទាំងដាច់ទំនិញគេចពន្ធខុសច្បាប់ថែមទៀតផង។ហេតុការណ៍នេះគឺបានកើតឡើងកាលពីរសៀលថ្ងៃទី  ខែមិថុនា ឆ្នាំ២០២៤ ដែលប្រតិបត្តិការឡើងដោយកម្លាំងយោធាការពារខ្សែបន្ទាត់ព្រំដែន ថៃ-កម្ពុជា លេខ ១៣ដោយបានធ្វើការល្បាតដល់ចំណុចខៅឌីន ស្ថិតក្នុងឃុំក្លងហាត ស្រុកក្លងហាត ខេត្តស្រះកែវ ប្រឈមជាមួយនឹងច្រកអន្តរជាតិគីឡូ ១៣ ក្នុងស្រុកសំពៅលូន ខេត្តបាត់ដំបង ។នៅពេលនោះកម្លាំងល្បាតបានប្រទះឃើញរថយន្តមួយគ្រឿងកំពុងបើកបរឆ្ពោះចូលទៅក្នុងទឹកដីថៃ។ភ្លាមៗនោះដែរដោយមានការសង្ស័យកម្លាំងបានធ្វើការឃាត់រថយន្តដើម្បីត្រួតពិនិត្យដែលរថយន្តនោះបើកបរដោយឈ្មោះ ផូ សាឈឿត ភេទប្រុស អាយុ ២៧ ឆ្នាំ ជាជនជាតិខ្មែរ ។នៅពេលនោះសមត្ថកិច្ចថៃបានត្រួតពិនិត្យទាំងក្នុងរថយន្ត និង គូទរថយន្ត គឺប្រទះឃើញមានបារីដែលមិនបានបង់ពន្ធត្រឹមត្រូវ ចំនួនពីរប្រភេទ គឺម៉ាក CAPITAL និង CANYON សរុបមានចំនួន ៩០០ សុង ស្មើហ្នឹង ៩.០០០ កញ្ចប់ ដែលនៅពេលនោះកម្លាំងសមត្ថកិច្ចបានដកហូតវត្ថុតាងព្រមទាំងបានឃាត់ខ្លួន ជនជាតិខ្មែររូបនោះបញ្ជូនទៅឲ្យអង្គភាពគយប្រចាំខេត្តស្រះកែវ ដើម្បីវិនិច្ឆ័យតាមផ្លូវច្បាប់៕ របាយការណ៍(៩៥)។