ឯកឧត្តមបណ្ឌិត ទូច វណ្ណៈ ដឹកនាំក្រុមការងារសមាគមសម្ព័ន្ធសារព័ត៌មានឯករាជ្យ គោរពវិញ្ញាណក្ខន្ធឧបាសក អាំង ម៉េងថោ
ភ្នំពេញ÷រសៀលថ្ងៃទី១៦ ខែមិថុនា ឆ្នាំ២០២៤ នេះ ឯកឧត្តមបណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ (IPA) បានអញ្ជើញដឹកនាំក្រុមការងារ គោរពវិញ្ញាណក្ខន្ធសពឧបាសក អាំង ម៉េងថោ ត្រូវជាឪពុកបង្កើតរបស់លោកបណ្ឌិត អាំង សិរីពិសិដ្ឋ អភិបាលរងខណ្ឌចំការមន និងត្រូវជាឪពុកក្មេករបស់លោក គង់ កៃដូ នាយករងខុទ្ទកាល័យក្រសួងមហាផ្ទៃ នៅគេហដ្ឋាន ស្ថិតក្នុងសង្កាត់ទួលទំពូង១ ខណ្ឌចំការមន រាជធានីភ្នំពេញ។
ក្នុងឱកាសនោះ ឯកឧត្តមបណ្ឌិត ទូច វណ្ណៈ និងក្រុមការងារ ក៏បាននាំយកថវិកា ចំនួន ១ ៨៦០ ០០០(មួយលាន ប៉ែតសិបប្រាំមួយម៉ឺនរៀល) និងលិខិតរំលែកមរណទុក្ខ ប្រគល់ជូនលោកបណ្ឌិត អាំង សិរីពិសិដ្ឋ និងក្រុមគ្រួសារ ផងដែរ។
យើងខ្ញុំទាំងអស់គ្នា ជាថ្នាក់ដឹកនាំ និងសមាជិក សមាជិកាសមាគមសម្ព័ន្ធសារព័ត៌មានឯករាជ្យ សូមចូលរួមរំលែកមរណទុក្ខដ៏ក្រៀមក្រំបំផុតជាមួយក្រុមគ្រួសារនៃសព និងសូមឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយដឹកនាំដួងវិញ្ញាណក្ខន្ធរបស់ឧបាសក អាំង ម៉េងថោ បានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ៕
