លោកបណ្ឌិត ហួម តាំងហឿត ប្រគល់សៀវភៅ ដាំកូនឈើ និងសំណេះសំណាលជាមួយសមាជិក សមាជិកាសមាគមសម្ព័ន្ធសារព័ត៌មានឯករាជ្យ ស្រុកពោធិ៍រៀង
នៅព្រឹកថ្ងៃទី១៥ ខែមិថុនា ឆ្នាំ២០២៤ នេះ លោកបណ្ឌិត ហួម តាំងហឿត ប្រធានក្រុមការងារចុះជួយសមាគមសម្ព័ន្ធសារព័ត៌មានឯករាជ្យ ខេត្តព្រៃវែង និងក្រុមការងារ បានអញ្ជើញនាំយកសៀវភៅអាន និងសៀវភៅគំនូរ ចំនួន ២១៥ក្បាល ប្រគល់ជូនគណៈគ្រប់គ្រងសាលា ដាំកូនឈើ ចំនួន ៣០ដើម និងឧបត្ថម្ភថវិកាជូនលោកគ្រូ អ្នកគ្រូ ចំនួន ៦នាក់ ក្នុងម្នាក់ៗ ១០ម៉ឺនរៀល ព្រមទាំងសិស្សានុសិស្ស ចំនួន ៨២នាក់ ក្នុងម្នាក់ៗ ៥ពាន់រៀល នៅសាលាបឋមសិក្សា ព្រែកតាសរ ស្ថិតក្នុងឃុំព្រែកតាសរ ស្រុកពោធិ៍រៀល ខេត្តព្រៃវែង។
បន្ទាប់មក លោកបណ្ឌិត ហួម តាំងហឿត និងលោក យស ស៊ីណាត អភិបាល នៃគណៈអភិបាលស្រុកពោធិ៍រៀង ក៏បានអញ្ជើញជាអធិបតីពិធីសំណេះសំណាលជាមួយសមាជិក សមាជិកាសមាគមសម្ព័ន្ធសារព័ត៌មានឯករាជ្យ ស្រុកពោធិ៍រៀង ចំនួន ១០១អង្គ/នាក់ និងបានឧបត្ថម្ភអាវយឺត ចំនួន ៥០អាវ និងស្លាកសញ្ញា(Logo) សមាគម ចំនួន ៥០ ជូនដល់សមាគមស្រុកពោធិ៍រៀង។ ក្នុងនោះដែរ ក៏ឧបត្ថម្ភថវិកា ចំនួន ២៥ម៉ឺនរៀល សម្រាប់ការរៀបចំពិធីផងដែរ៕
