លោក ពុយ គា៖ បន្តស្នើឲ្យភាគីចិនពិនិត្យលទ្ធភាពត្រឡប់មកផលិតរឿង «No More Bets» ភាគ២នៅកម្ពុជា

(ភ្នំពេញ)៖ លោក ពុយ គា ប្រធានក្លឹបអ្នកកាសែតកម្ពុជា បានបន្តស្នើទៅស្ថាប័នសារព័ត៌មានរបស់ចិនផ្តិតយករូបភាព និងព័ត៌មានល្អៗពីកម្ពុជា ក្នុងនោះរួមទាំងក្រុមហ៊ុនភាពយន្តដែលផលិតភាពយន្ត «No More Bets» ផង ឲ្យត្រឡប់មក ផលិតរឿងភាគ២នៅប្រទេសកម្ពុជា។ ការស្នើឲ្យត្រឡប់មកផលិតភាគ២វិញ ក៏ព្រោះតែកម្ពុជា មានទីតាំងនិងរឿងរ៉ាវប្រវត្តិសាស្រ្ត និងបច្ចុប្បន្នភាពល្អៗ ដ៏សម្បូរណបែប និងដើម្បីឲ្យប្រជាជនចិនទទួលបានព័ត៌មានល្អៗពីប្រទេសកម្ពុជាវិញ។ ការស្នើសូមបែបនេះរបស់លោក ពុយ គា បានធ្វើឡើងឡើងនៅក្នុងដំណើរទស្សនកិច្ច៥ថ្ងៃ នៅក្នុងខេត្តយូណាន ប្រទេសចិន ដែលបានធ្វើឡើងចាប់ពីថ្ងៃ៤ ដល់ថ្ងៃទី៨ ខែមិថុនា ឆ្នាំ២០២៤កន្លងទៅ។

បន្ថែមពីលើការអំពាវនាវនេះ ប្រធានក្លឹបអ្នកកាសែតកម្ពុជា ក៏បានសម្រេចលទ្ធផលផ្លែផ្លាជាច្រើន ជាពិសេសនៅក្នុងជំនួបជាមួយលោកស្រី អ៊ូ សៀ សមាជិកក្រុមបក្សកុម្មុយនីស្តចិន និងជាលេខាធិការអចិន្ត្រៃយ៍នៃសមាគមអ្នកសារព័ត៌មានចិនទូទាំងប្រទេសក្នុងគោលបំណង ដើម្បីភ្ជាប់ទំនាក់ទំនងរវាងសមាគមនៃប្រទេសទាំងពីរ។ ហើយនាំឲ្យភាគីទាំង២ មានគម្រោងចុះអនុស្សរណៈរវាងក្លឹបអ្នកកាសែតកម្ពុជា ជាមួយសមាគមន៍អ្នកសារព័ត៌មានចិនទូទាំងប្រទេសទៀតផង ក្នុងគោលបំណងដើម្បីចែករំលែកបទពិសោធន៍ទៅវិញទៅមក បន្ថែមជំនាញ និងបច្ចេកវិទ្យាពីប្រទេសចិន និងការផ្សាព្វផ្សាយពីសក្កដានុពលទេសចរណ៍ វប្បធម៌ និងវិនិយោគពីប្រទេសកម្ពុជាទៅប្រទេសកាន់ប្រទេសចិនបន្ថែមទៀត។

សូមជម្រាបថា ក្លិបអ្នកកាសែតកម្ពុជាមានសមាជិកជាង៦០០នាក់ មកពីជិត២០០ស្ថាប័ន និងបានក្លាយជាសមាជិកសហព័ន្ធអ្នកសារព័ត៌មានអាស៊ាននៅឆ្នាំ២០១៨ ដែលជាសហព័ន្ធសារព័ត៌មានអាស៊ានតែមួយគត់នៅក្នុងតំបន់។

ខាងក្រោមនេះ គឺជាការលើកឡើងទាំងស្រុងរបស់លោក ពុយ គា ក្រោយត្រឡប់មកដល់កម្ពុជាភ្លាមៗ៖