ដោយទទួលបានការអនុញ្ញាតដ៏ខ្ពង់ខ្ពស់! នៅរសៀលថ្ងៃទី៦ ខែមិថុនា ឆ្នាំ២០២៤ នេះ ប្រតិភូសមាគមសម្ព័ន្ធសារព័ត៌មានឯករាជ្យ (IPA) ដែលដឹកនាំដោយលោកបណ្ឌិត ទូច វណ្ណៈ ប្រធានសមាគម បានចូលជួបសម្តែងការគួរសម និងគោរពជូនពរឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ ក្នុងឱកាសដ៏មង្គលថ្លៃថ្លា នៃថ្ងៃចម្រើនជន្មាយុ ៤២ ឈានចូល ៤៣ឆ្នាំ នាគេហដ្ឋានទួលគោក រាជធានីភ្នំពេញ។
ជាថ្មីម្តងទៀត យើងខ្ញុំទាំងអស់គ្នាជាថ្នាក់ដឹកនាំ និងសមាជិក សមាជិកាសមាគមសម្ព័ន្ធសារព័ត៌មានឯករាជ្យ ទាំងអស់ សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំសព្ទសាធុការពរ បវរសួស្តី ជ័យមង្គល វិបុលសុខ មហាប្រសើរគ្រប់ប្រការ និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជូនឯកឧត្តមអភិសន្តិបណ្ឌិត និងលោកជំទាវ ព្រមទាំងបុត្រាបុត្រី កុំបីឃ្លៀងឃ្លាតឡើយ????????????
