ខេត្តបន្ទាយមានជ័យ ៖ កម្លាំងនគរបាលបានចុះបង្ក្រាបទីតាំង B9 KTV និង ក្លឹបកំសាន្ត ឡាំបូគីនី ពីរកន្លែង និងឃាត់មនុស្សប្រុសស្រីបានរាប់រយនាក់ នៅក្រុងប៉ោយប៉ែត ខេត្តបន្ទាយមានជ័យ។ ហេតុការណ៍នេះ បាន កើតឡើងនៅអំឡុងម៉ោង១ជាង រំលងអាធ្រាតុ ឈានចូលថ្ងៃទី០៥ ខែមេសា ឆ្នាំ២០២៤ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ក្នុងប្រតិបត្តិការចុះបង្ក្រាប ខារ៉ាអូខេ យីហោ B9 និងក្លឹបកំសាន្ត ឡាំបូគីនី (LAMBORGHINI)ដឹកនាំបញ្ជាផ្ទាល់ ពីរលោកឧត្តមសេនីយ៍ទោ សិទ្ធិ ឡោះ ស្នងការ នគរបាល ខេត្តបន្ទាយមានជ័យ ។
និងមានការសម្របសម្រួលពីលោក កើត វណ្ណារ៉េត ព្រះរាជអាជ្ញា អមសាលាដំបូង ខេត្តបន្ទាយមានជ័យ លោកឧត្តមសេនីយ៍ត្រី ធិន ស៊ីនដេត ស្នងការរងទទួលផែនគ្រឿងញៀនកម្លាំងអធិការដ្ឋាននគរបាល ក្រុងប៉ោយប៉ែត កម្លាំងប៉ុស្តិ៍ ទាំង៥ រួមទាំងកម្លាំង វរសេនាតូចនគរបាលការពារព្រំដែនគោក៨៩១និង៩១១ផងដែរ។
សមត្ថកិច្ចបានបញ្ជាក់ ប្រាប់ថា ក្នុងប្រតិបត្តិការចុះបង្ក្រាបទីតាំងយីហោ B9 KTV នៅភូមិក្បាលស្ពាន ១ សង្កាត់អូរជ្រៅ ក្រុងប៉ោយប៉ែត(ទីតាំងថាច់ដោនចាស់)ឃាត់ខ្លួនមនុស្សប្រុសស្រីបានជាង៥០នាក់។ ចំណែកទីតាំងទី ២ យីហោ ឡាំបូគីនី ក្លឹប(LAMBORGHINI CLUB) ឃាត់ខ្លួនបានមនុស្សប្រុសស្រី ជាង១២៧នាក់ស្រីខ្មែរ២៨នាក់និងស្រីបរទេស២៨ប្រុសខ្មែរ២៦និងប្រុសបរទេស៤៥នាក់ គ្រឿងញៀនមួយចំនួននិងម៉ូតូ រថយន្តរាប់រយគ្រឿងផងដែរ សមត្ថកិច្ចបញ្ជាក់បន្ថែមទៀតថា ក្នុងប្រតិបត្តិការ ឈានដល់ ក្នុងការឃាត់ខ្លួនភ្ញៀវ និងបុគ្គលិក ក្នុងក្លឹបនិងខេធីវីខាងលើនេះ ដើម្បីយកធ្វើតេស្ត រកសារធាតុញៀន បើមានជាប់ពាក់ព័ន្ធ ត្រូវអនុវត្តតាមនីតិវិធី ចំណែកអ្នកដែលមិនពាក់ព័ន្ធ ត្រូវឲ្យត្រឡប់មកផ្ទះវិញ។
