ខេត្តស្វាយរៀង : នៅព្រឹកថ្ងៃសុក្រ ១២ រោចខែផល្គុន ឆ្នាំ ថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៥ ខែ មេសាឆ្នាំ ២០២៤ នេះរដ្ឋបាលស្រុកស្វាយជ្រុំបានរៀបចំពិធីជូនពរអបអរសាទរបុណចូលឆ្នាំថ្មីប្រពៃណីជាតិខ្មែរ ឆ្នាំ រោង ឆស័ក ព.ស២៥៦៨ គ.ស ២០២៤ អញ្ជើញជាអធិបតីនៅក្នុងពិធី លោក ហែម សារិទ្ធ អភិបាលនៃគណៈអភិបាលស្រុកស្វាយជ្រុំនិងជាប្រធានគណៈកម្មាធិការគណបក្សប្រជាជនកម្ពុជាស្រុកស្វាយជ្រុំ លោក ញឹម ឡាស់សមាជិកក្រុមប្រឹក្សាស្រុកស្វាយជ្រុំ លោក លោក ស្រី អភិបាលរងស្រុកលោកនាយករដ្ឋបាលស្រុក លោក លោក ស្រីប្រធានអនុប្រធានមន្ទីរនានាជុំវិញស្រុក កងកម្លាំងប្រដាប់អាវុធទាំងបី លោក លោក ស្រី មេឃុំលោកនាយប៉ុស្តិ៍ច្រកទ្វារតំបន់ស្រែបារាំងលោកមេបញ្ជាការរងអនុសេនាតូចលេខ ២ លោកនាយប៉ុស្តិ៍ការពារព្រំដែនគ្រួសមេបញ្ជាការកងអនុស្សាតូចលេខ ៣ រួមនិងគណៈប្រតិភូស្រុកតឹងហឹងនិងគណៈប្រតិភូស្រុក វិញហឹងនាពេលនេះ
មានប្រសាសន៍ស្វាគមន៍នៅក្នុងឱកាសនោះដែរ លោក ហែម សារិទ្ធ អភិបាលនៃគណៈអភិបាលស្រុកស្វាយជ្រុំបានសំដែងនូវការអរគុណចំពោះវត្តមានឯកឧត្តមលោកជំទាវ លោក លោកស្រីមន្ត្រីរាជការទាំងអស់ដែលបានអញ្ជើញចូលរួមកម្មវិធីនាពេលនេះរួមទាំងគណៈប្រតិភូខាងភាគីវៀតណាមដែលបានផ្ដល់កិត្តិយសអញ្ជើញចូលរួមក្នុងពិធីជូនពរបុណ្យចូលឆ្នាំថ្មីប្រពៃណីជាតិនៅស្រុកស្វាយជ្រុំនាឱកាសនេះដែលបានញ៉ាំឲ្យបរិយាកាសនៃពិធីទាំងមូលកាន់តែមានភាពអធិកអធម្មប្រកបដោយភាតរភាពមិត្តភាពនិងពោរពេញដោយស្នាមញញឹមនិងក្តីសង្ឃឹម ត្រៀមទទួលយកអំណរសាទរទទួលពរជ័យឆ្នាំថ្មីដែលនឹងឈានចូលមកដល់នាពេលឆាប់ៗខាងមុខនេះ។
លោក ហែម សារិទ្ធ បានមានប្រសាសន៍បន្ថែមថា ជារៀងរាល់ឆ្នាំនៅពេលដែលមានពិធីបុណ្យចូលឆ្នាំប្រពៃណីជាតិរវាងប្រទេសទាំងពីរគឺមានគណៈប្រតិភូប្រទេសទាំងពីរតែងតែជួនពរគ្នាទៅវិញទៅមក ក្នុងនាមប្រទេសដែលមានព្រំដែនជួបគ្នាក្នុងគោលបំណងមិត្តភាពរវាងថ្នាក់ដឹកនាំនិងថ្នាក់ដឹកនាំ ប្រជាជននិងប្រជាជន ប្រទេសទាំងពីរបន្តថែរក្សានិងពូនជ្រុំជាបន្តបន្ទាប់ក្រោមបាវចនាភាពជាអ្នកជិតខាងល្អមិត្តភាពជាប្រពៃណីកិច្ចសហប្រតិបត្តិការគ្រប់ជ្រុងជ្រោយនិរន្តរភាពយូរអង្វែង ។
ជាចុងបញ្ចប់នៃពិធីនេះផងដែរប្រតិភូនៃប្រទេសទាំងពីរបានធ្វើការផ្លាស់ប្ដូរវត្ថុអនុស្សាវរីយ៍គ្នាទៅវិញទៅមកព្រមទាំង
ពិសាមគ្គីនិងរាំលេងកម្សាន្តប្រកបដោយភាពសប្បាយរីករាយ ៕
