ខេត្តស្វាយរៀង : កាលពីព្រឹកថ្ងៃអាទិត្យ ៨ រោច ខែ មាឃ ឆ្នាំ ថោះ បញ្ចស័ក ព.ស២៥៦៧ ត្រូវនឹងថ្ងៃ ទី ០៣ ខែ មីនាឆ្នាំ ២០២៤ ព្រះគ្រូចៅអធិការវត្ត ជោតិការាម និងលោកគ្រូអាចារ្យគណៈកម្មការពុទ្ធបរិស័ទចំណុះជើងវត្តទាំងអស់រួមជាមួយពុទ្ធបរស័ទដែលអញ្ជើញមកពីគ្រប់ទិសទីទិសទាំងប្រាំបីបានមូលមតិគ្នាជាឯកច្ឆន្ទបានរៀបចំពិធីបុណ្យអង្គផ្កាប្រាក់ សាមគ្គី និងពិធីបុណ្យសម្ពោធឆ្លងសមិទ្ធផលនានានៅទី វត្តជោតិការ៉ាម (ហៅវត្តចាស់) ស្ថិតនៅភូមិតាប៉ ឃុំ តាសួស ស្រុក ស្វាយជ្រុំ ខេត្ត ស្វាយរៀង។
អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីរួមមាន ៖ លោកស្រីមេឃុំ តាសួស .ព្រះគ្រូចៅអធិការវត្តជោតិ ការាមព្រមទាំងសប្បុរសជនដែលអញ្ជើញមកពីភ្នំពេញ ស្វាយរៀងរួមជាមួយ ព្រះសង្ឃលោកគ្រូអាចារ្យគណៈកម្មការចំណុះជើងវត្តជិតឆ្ងាយទាំងអស់ជាច្រើន កុះករ ។
បើតាមប្រសាសន៍របស់លោកស្រីមេឃុំបានថ្លែងកោតសរសើរដល់ព្រះគ្រូចៅអធិការវត្តព្រះសង្ឃគ្រប់អង្គលោកគ្រូអាចារ្យគណៈកម្មការចំណុះជើងវត្តជិតឆ្ងាយព្រមទាំងសប្បុរសជនទាំងអស់ដែលបានចំណាយថវិកាផ្ទាល់ខ្លួនទោះបីតិចក្តីច្រើនក្តីរហូតទទួលបាននូវសមិទ្ធផលនានាជាច្រើននៅក្នុងវត្តសម្រាប់បំរើវិស័យព្រះពុទ្ធសាសនាដែលបានប្រារព្ធធ្វើវិធីបុណ្យសម្ពោធឆ្លងនាពេលនេះ។
ជាចុងក្រោយលោកស្រីមេឃុំអញ្ជើញផ្ដល់កិត្តិយសជូនប័ណ្ណសរសើរដល់សប្បុរសជននិងចែកអំណោយជូនដល់ប្រជាពលរដ្ឋពុទ្ធបរិស័ទដែលបានចូលរួមមានចំនួនជាង ៣០០ នាក់ហើយក្នុងម្នាក់ៗទទួលបាន : សារុងមួយថវិកាចំនួន ២០០០ រៀលផងដែរ។
ក្នុងនាមលោកគ្រូអាចារ្យតំណាងឲ្យលោកគ្រូចៅអធិការវត្តនិងព្រះសង្ឃគ្រប់អង្គព្រមទាំងពុទ្ធបរិស័ទចំណុះជើងវត្តទាំងអស់សូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោក ជំទាវ អ្នកឧកញ៉ា លោក លោកស្រី ដែលជាម្ចាស់ទានអ្នកមានចិត្តបុណ្យទាំងអស់ជួបប្រទះតែសេចក្តីសុខសេចក្តីចម្រើនរកស៊ីទទួលទានមានបានកើតកាលវាលគមត្រជាក់ត្រជុំដូចសេចក្តីប្រាថ្នា៕
សូមអនុមោទនា បុណ្យ សាធុ សាធុ សាធុ….
