ខេត្តស្វាយរៀង : នៅរសៀលថ្ងៃសៅរ៍ ១៥ កើត ខែមាឃ ឆ្នាំ ថោះ បញ្ចស័ក ព.ស ២៥៦៧ ត្រូវនឹង ថ្ងៃ ទី ២៤ ខែ កុម្ភៈឆ្ន្នាំ ២០២៤ ព្រះគ្រូចៅអធិការវត្តព្រៃតាអីព្រះនាម ព្រះវិសុទ្ធមុនី សៅ ភួនបានរៀបចំពិធីបុណ្យមាឃបូជាដើម្បីរំលឹកព្រឹត្តិការ ៣ យ៉ាងគឺ ៖
ទី១.រំលឹកដល់ថ្ងៃដែលព្រះសម្មាសម្ពុទ្ធធ្វើចតុរង្គមហាសន្និបាត
ទី២.រំលឹកដល់ថ្ងៃដែលព្រះសម្មាសម្ពុទ្ធទ្រង់សម្ដែងឱវាទបាតុមោកដល់ភាវៈភិក្ខុ។
ទី៣.រំលឹកថ្ងៃដែលព្រះសម្មាសម្ពុទ្ធទ្រង់ដាក់ព្រះជន្មាយុសង្ខារ ។
កម្មវិធីបុណ្យនេះប្រារព្ធធ្វើនៅទីវត្តអារាមវត្តព្រៃត្អីស្ថិតនៅភូមិ តាប៉ោយ ឃុំ ព្រៃអីស្រុកស្វាយទាបខាត់ស្វាយរៀង
អញ្ជើញចូលរួមក្នុងពិធីបុណ្យនេះរួមមានព្រះសង្ឃលោកគ្រូអាចារ្យគណៈកម្មការពុទ្ធបរិស័ទចំណុះជើងវត្តរួមជាមួយអាជ្ញាធរដែនដី លោកនាយប៉ុស្តិ៍រដ្ឋបាលឃុំ លោកគ្រូអ្នកគ្រូសិក្សានុសិស្ស និងក្រុមយុវជនឃុំជាច្រើន កុះករ ។
បើតាមព្រះគ្រូចៅអធិការវត្តបានមានសង្ឃដីកាថាយើងបានជួបជុំធ្វើបុណ្យធ្វើទាននាពេលនេះដោយសារប្រទេសជាតិយើងមានសុខសន្តិភាពពេញលេញពេញផ្ទៃប្រទេសក្រោមការដឹកនាំត្រឹមត្រូវរបស់រាជរដ្ឋាភិបាលកម្ពុជាដែលមាន សម្ដេចតេជោ ហ៊ុន សែន និងសម្ដេចបវរធិបតី ហ៊ុន ម៉ាណែត ជាអ្នកបន្តវេនធ្វើឲ្យប្រទេសកម្ពុជាឈានទៅរកភាពសំបូររុងរឿងព្រះអង្គបានមានពុទ្ធដីកាបន្តទៀតថាការប្រារព្ធពិធីបុណ្យមាឃបូជានេះគឺធ្វើឡើងនៅថ្ងៃតែមួយទូទាំងប្រទេសកម្ពុជានិងនៅលើសកលលោកដែលកាន់សាសនាព្រះពុទ្ធ ព្រះអង្គសូមថ្លែងអំណរគុណយ៉ាងជ្រាលជ្រៅចំពោះព្រះសង្ឃគ្រប់អង្គលោកគ្រូអាចារ្យគណៈកម្មការចំណុះជើងវត្តជិតឆ្ងាយទាំងអស់ ព្រមទាំងអាជ្ញាធរដែនដី លោកនាយប៉ុស្តិ៍ឃុំលោកគ្រូ អ្នកគ្រូ សិក្សាអនុស្សនិងក្រុមយុវជនឃុំព្រមទាំងភ្ញៀវកិត្តិយសទាំងអស់ជួបប្រទះតែសុភមង្គលល្អ វាសនាល្អ សុខភាពល្អ អាយុយឺនយូរនិងទទួលជ័យជំនះគ្រប់ភារកិច្ចការងារ ព្រមទាំងពុទ្ធពរទាំងបួនប្រការ គឺ អាយុវណ្ណៈ សុខៈពលៈ បដិភាណៈ កុំបីឃ្លៀងឃ្លាតឡើយ ។ សូមអនុមោទនាពិធីបុណ្យមាឃបូជា សាធុ សាធុ សាធុ ៕
