ខេត្តកំពត ថ្ងៃទី៥ ខែកុម្ភៈ ឆ្នាំ២០២៤ នៅវេលាម៉ោង ១២: ៣០នាទីថ្ងៃត្រង់ មានក្បាលរថភ្លើងមួយគ្រឿងដឹកប្រេងឥន្ធនៈ មកពីខេត្តព្រះសីហនុ ស្ពោះទៅរាជធានីភ្នំពេញ មកដល់ភូមិដំណាក់ចំបក ឃុំសំរោងលើ ស្រុកបន្ទាយមាស ព្រំប្រទលស្រុកអង្គរជ័យ មានក្បាលរថភ្លើងមួយខ្សែបានឆាបឆេះ ពេលកំពុងធ្វើដំណើរនៅលើផ្លូវដែក នៅមិនទាន់ដឹងពីមូលហេតុការឆេះនេះនៅឡើយទេ។
នៅពេលក្រោយកើតហេតុនេះដែរ កងកម្លាំងនៃអត្ថការដ្ធាននគបាល នៅស្រុកបន្ទាយមាស និងកម្លាំងប៉ុស្តិ៍ស្រុកអង្គរជ័យ បានចុះជួយអន្តរាគមន៍ នាំយករថយន្តពន្លត់អគ្គិសភ័យពីរគ្រឿងប្រើប្រាស់ទឹកបាញ់ពន្លត់អស់ចំនួនបួនឡានទើបរលត់។ តែសំណាងដែរអ្នកបើកបររថភ្លើងមិនមានគ្រោះថ្នាក់ឬរងរបួសអ្វីឡើយ៕
ដោយ សារី សារ៉ាត់
