បន្ទាយមានជ័យ៖ នៅព្រឹកថ្ងៃអង្គារ ៥រោច ខែបុស្ស ឆ្នាំថោះបញ្ចស័ក ព.ស ២៥៦៧ ត្រូវនឹងថ្ងៃទី៣០ ខែមករា ឆ្នាំ២០២៤នេះនៅ វេលាម៉ោង ៨:០០នាទីព្រឹក លោកនាយប៉ុស្តិ៍នគរបាលការពារព្រំដែនគោកលេខ៨៩១ចំណុះទាំង៦ ប៉ុស្តិ៍ ដឹកនាំដោយលោកវរសេនីយ៍ឯក ហាំ វណ្ណៈ មេបញ្ជាការ វរសេនាតូចនគរបាលការពារព្រំដែនគោកលេខ៨៩១ បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំខែមករា ឆ្នាំ២០២៤ និង ផ្សព្វផ្សាយផែនការការពារសន្តិសុខ សុវត្តិភាព បុណ្យចូលឆ្នាំថ្មី ប្រពៃណីជនជាតិចិន-វៀតណាមឆ្នាំ២០២៤ ។
សូមបញ្ជាក់ថា នាថ្ងៃទី៣០ ខែមករា ឆ្នាំ២០២៤នេះ ស្នងការនគរបាលខេត្តបន្ទាយមានជ័យ បានប្រារព្ធកិច្ចប្រជុំបូកសរុបលទ្ធផលការងារប្រចាំខែមករា ឆ្នាំ២០២៤ និង ផ្សព្វផ្សាយផែនការការពារសន្តិសុខ សុវត្តិភាព បុណ្យចូលឆ្នាំថ្មី ប្រពៃណីជនជាតិចិន-វៀតណាមឆ្នាំ២០២៤ ក្រោមអធិបតីភាព លោក ឧត្តមសេនីយទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅសាលប្រជុំ ( ក ) នៃស្នងការ ដ្ឋាននគរបាលខេត្តបន្ទាយមានជ័យ ៕
