ខេត្តស្វាយរៀង : នៅព្រឹកថ្ងៃសៅរ៍ទី ២៧ ខែ មករា ឆ្នាំ ២០២៤ នេះ ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រីនិងជាប្រធានក្រុមប្រឹក្សាស្ដារអភិវឌ្ឍន៍វិស័យកម្មនិងជួននិងជាប្រធានគណៈកម្មាធិការជាតិជំរុញចលនា
ភូមិមួយ ផលិតផលមួយ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់ទីចាត់ការមួយខ្នងស្មើ១ បន្ទប់ មានទំហំ
៨ ម៉ែត្រគុណនិង ៩ ម៉ែត្រ និងសាលារៀន ១ ខ្នងមាន ៣ បន្ទប់ ដែលមានទំហំបណ្ដោយ ២៤ម៉ែត្រ គុណនឹង ៩ ម៉ែត្រ
នៅសាលាបឋមសិក្សាកំពង់ចំឡងស្ថិតនៅក្នុង ភូមិ តាស្អាង ឃុំ កំពុងចំឡងស្រុក ស្វាយជ្រុំ ខេត្តស្វាយរៀង។
ថ្លែងនៅក្នុងឱកាសនោះដែរ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានបង្ហាញពីទឹកចិត្ត សោមនស្សរីករាយយ៉ាងក្រៃលែងដែលបានចូលរួមក្នុងពិធីប្រគល់ទីចាត់ការមួយខ្នងស្មើ ១ បន្ទប់និងសាលារៀនមួយខ្នងស្មើនឹង ៣ បន្ទប់ជូនដល់សាលាបឋមសិក្សាកំពង់ចម្លងនាពេលនេះទុកជាប្រយោជន៍រួមសម្រាប់កូនចៅជំនាន់ក្រោយៗនិងជាទំពាំងស្នងឬស្សីនិងជាអ្នកបន្តវេនទៅថ្ងៃអនាគត។
ជាទីបញ្ចប់ ឯកឧត្តមបាននាំមកនូវអំណោយជូនដល់ លោកតា លោកយាយ ម្នាក់ៗទទួលបាន ប្រមា ១ ថវិកាចំនួន ១ ម៉ឺនរៀល ចំពោះសិក្សាអនុសិស្សម្នាក់ៗទទួលបានសៀវភៅ១ក្បាលប៊ិចពីដើមខ្មៅដៃមួយដើមជ័រលុប ១ ដុំ
ចំណែក លោកគ្រូ អ្នកគ្រូទាំងអស់ម្នាក់ៗទទួលបានថវិការចំនួន ៥ ម៉ឺនរៀលផងដែរ ៕
ដោយ មាស សំអឿន
