ខេត្តបាត់ដំបង,ស្រុកសំពៅលូន ៖ នេះជាករណីដ៏រន្ធត់ សែនសង្វេគពេកណាស់ក្រោយទទួលព័ត៌មានថា មន្ត្រីនគបាលស្រុកសំពៅលូនម្នាក់ ជួបឧប្បត្តិហេតុគ្រោះគ្រោះថ្នាក់ ចរាចរណ៍ បណ្តាលអោយស្លាប់ភ្លាមៗ នៅនឹងកន្លែង ។
ហេតុការណ៍ករណីដ៏សោកសៅនេះបាន កើតឡើងកាលពីរសៀល ថ្ងៃទី១២ ,ខែវិច្ឆិកា,ឆ្នាំ២០២៣ វេលាម៉ោង១៧និង២៦នាទី នៅចំណុចផ្លូវកែង៣២ ស្ថិតក្នុងភូមិកូនភ្នំ៣២ខាងជើងឃុំតាស្តា ស្រុកសំពៅលូន ខេត្តបាត់ដំបង។
ប្រភពពីកន្លែងកើតហេតុបានអោយដឹងថា ជនគ្រោះមានឈ្មោះពៅ បញ្ញា ជាមន្ត្រីនគបាល ផ្នែកព្រហ្មទណ្ឌ នៃអធិការរដ្ឋាន នគបាល ស្រុកសំពៅលូន បានបើកម៉ូតូម៉ាកអិចស៊ិនទ័រ ពាក់ស្លាកលេខបាត់ដំបង AT 7845 ក្នុងទិសដៅពីត្បូងមកជើង បានស្លាប់ ភ្លាមៗនៅនិងកន្លែង ចំណែករយន្តម៉ាកទូរើសពណ៌ស ពាក់ស្លាកលេខ សៀមរាប 2B 1143 ចេញពីជើងមកត្បូងបញ្ច្រាសទើសគ្នា ។
ប្រភពពីកន្លែកើតហេតុបានអោយសារព័ត៍មានដឹងថា គេបានឃើញម៉ូតូបើកបរដោយជនរងគ្រោះក្នុងល្បឿនលឿនហើយមិនពាក់មួកសុវត្ថិភាពនោះទេ ប្រភពបន្តថាចំណែករថយន្ត ខាងលើ បើកបរក៏យឺតដែរ ខាងស្តាំរបស់ខ្លួន មកដល់ចំណុចកើតហេតុ ផ្លូវកោង ធ្វើអោយម៉ូតូនិងរថយន្ត ខ្វះការ ប្រុងប្រយ័ត្នក៏បុកគ្នាតែម្តងទៅ បណ្តាល ម៉ូតូខ្ទាតប្រហែល ១០ ម៉ែត្រ មនុស្សស្លាប់នៅ នឹងកន្លែងតែម្តង រឺឯរយន្តបានរ៉េចង្កូតធ្លាក់ទៅខាងផ្លូវម្ខាង។ភ្លាមៗ យើងឃើញកម្លាំងនគរបាលចរាចរណ៍ ស្រុកសំពៅលូនបាន ចុះពិនិត្យនិងធ្វើការវាសវែង ។
សុំបញ្ជាក់ថា នៅក្នុងរថយន្តទួរីសខាងលើ គឺមានអ្នករួមដំណើរ ០៣ នាក់ទាំងតៃកុង ក្នុងទិសដៅគឺទៅដឹកទំនិញនៅឯស្រុកកំរៀង មិនបានចុះរត់គេចខ្លួនទៅណានោះទេ ក្រោយពីបានធ្វើការវាស់វែងសមត្ថកិច្ចបាននាំ អ្នកទាំង ០៣ និងរថយន្តនិងម៉ូតូ មករក្សាទុក ក្នុងអធិការរដ្ឋាន នគរបាលស្រុកសំពៅលូន ដើម្បីរង់ចាំការដោះស្រាយ នៅពេលក្រោយ។ ចំណែកសពក្រោយពីកម្លាំងនគរបាលជំនាញចុះពិនិត្យរួចរាល់ហើយ បានប្រគល់សពទៅអោយសាច់ញាតិ ដើម្បីបន្តរយកទៅធ្វើបុណ្យទៅតាមប្រពៃណីស្ថិតនៅភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង ៕
