នៅព្រឹក ថ្ងៃទី៥ ខែវិច្ឆិកា ឆ្នាំ២០២៣ ឯកឧត្តម សៅ សារ៉ាត់ ក្នុងនាមឯកឧត្តម អ៊ី ឈាន និងលោកជំទាវ បាន ស្រីមុំ ដឹកនាំក្រុមការងារអញ្ជើញចុះជួបសួរសុខទុក្ខ និងនាំយកថវិកាមូលនិធិចាស់ជរា គ្មានទីពឹងប្រចាំខែ ប្រគល់ជូនលោកយាយ លោកតា ចាស់ជរាគ្មានទីពឹងក្នុងខេត្តប៉ៃលិន ក្នុងម្នាក់ ១០ ម៉ឺនរៀល ដែលជាថវិកាផ្ទាល់របស់ឯកឧត្តម អ៊ី ឈាន និងលោកជំទាវ បាន ស្រីមុំ អភិបាលនៃគណ:អភិបាលខេត្តប៉ៃលិន ។
មូលនិធិចាស់ជរាគ្មានទីពឹងក្នុងខេត្តប៉ៃលិន មានអាយុកាល ជាង ២០ឆ្នាំហើយ ទោះបីស្ថិតនៅស្ថានភាពដំណាក់កាលណាក៏ដោយ ក្រុមការងារ និងម្ចាស់មូលនិធិឯកឧត្តម អ៊ី ឈាន និងលោកជំទាវ បាន ស្រីមុំ នៅតែតស៊ូបន្តដំណើរទៅមុខ ដោយមិននឿយហត់ ដោយសារ ចង់ឃើញស្នាមញញឹម លោកពុក អ្នកម្តាយ ចាស់ជរាគ្មានទីពឹង គ្មានសាច់ញាតិ ដើម្បីពឹងផ្អែក អោយមានក្តីសង្ឃឹមឡើងវិញ ៕
ដោយ សេន ត
