(ខេត្តស្វាយរៀង)÷នៅព្រឹកថ្ងៃទី០៣ ខែវិច្ឆិកា ឆ្នាំ២០២៣នេះ ឯកឧត្តម ប៉េង ពោធិ៍សា អភិបាលខេត្តស្វាយរៀង បានអញ្ជេីញចែកអំណោយដល់មន្ត្រីកិច្ចសន្យាបម្រេីការងារផ្នែកអនាម័យសាលាខេត្តចំនួន២៥នាក់។
ពិធីនេះក៏មានការអញ្ជេីញចូលរួមពីសំណាក់ឯកឧត្តមអភិបាលរងខេត្ត លោកនាយករដ្ឋបាលសាលាខេត្ត លោកនាយកទីចាត់ការហិរញ្ញវត្ថុសាលាខេត្ត និងមន្ត្រីពាក់ព័ន្ធមួយចំនួនទៀត។
មានប្រសាសន៍សាកសួសុខទុក្ខនូវក្នុងឱកាសនោះ ឯកឧត្តមអភិបាលខេត្តបានផ្តាំផ្ញេីដល់មន្ត្រីកិច្ចសន្យាផ្នែកសម្អាតអនាម័យនៅទីនេះ ត្រូវខិតខំថែរក្សាសុខភាពអោយបានល្អ ពិសេសការរស់នៅមានអនាម័យ រួមការទទួលទានអាហារជាដេីម ជាមួយនោះត្រូវធ្វេីការអប់រំណែនាំកូនចៅឲ្យខិតខំរៀនសូត្រ ពិសេសជៀសឲ្យឆ្ងាយពីគ្រឿងញៀន ការបេីកបរត្រូវគោរពច្បាប់ចរាចរណ៍ និងអំពេីបាយមុខផ្សេងៗ ជាដើម ។
អំណោយដែលឯកឧត្តមអភិបាលខេត្តចែកជូននូវក្នុងឱកាសនោះរួមមាន: អង្ករ១បាវ ៥០គីឡូក្រាម,មី១កេស
ទឹកត្រី២ដប,ទឹកស៊ីអ៉ីវ ២ដប និងថវិកា៥០,០០០រៀល ផងដែរ។
