ព្រឹកថ្ងៃទី២៤ ខែតុលា ឆ្នាំ២០២៣ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញយកគ្រឿងឧបភោគ បរិភោគ ទៅដាក់ក្នុង«ផ្ទះបរិច្ចាគ» មានទីតាំងនៅមុខសាលាខេត្ត ដែលជាការបរិច្ចាគលោកជំទាវ ឃួន វិឡាវណ្ណ និងរដ្ឋបាលខេត្តប៉ៃលិន ដើម្បីទុកផ្តល់អោយទុរគតជន និងប្រជាពលរដ្ឋមានជីវភាពខ្វះខាត មកទទួលយកដោះស្រាយជីវភាព ។
សូមបញ្ជាក់៖ សប្បុរសជន អាចយកជាសម្ភារៈប្រើប្រាស់ ឬគ្រឿងឧបភោគ បរិភោគ យកមកដាក់ចូលរួមក្នុងផ្ទះបរិច្ចាគនេះបាន ហើយបងប្អូនដែលមានជីវភាពខ្វះខាត អាចមកយកសម្ភារៈប្រើប្រាស់ ឬគ្រឿងឧបភោគបរិភោគ ក្នុងផ្ទះបរិច្ចាគនេះបាន ដោយក្នុង ១គ្រួសារ ទទួលបាន ១កញ្ចប់ ។
