នាថ្ងៃទី ០៩ ខែតុលា ឆ្នាំ២០២៣ នៅសាលាខេត្តព្រះវិហារ មានបើកកិច្ចប្រជុំផ្សព្វផ្សាយសេចក្តីណែនាំ ស្តីពីការចុះឈ្មោះបោះឆ្នោតសម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ ក្រោមអធិបតីភាព ឯកឧត្តម គីម រិទ្ធី អភិបាលខេត្តព្រះវិហារ ។
ក្នុងឱកាសនោះ ឯកឧត្តម គីម រិទ្ធី អភិបាលខេត្ត បានជម្រុញអោយអាជ្ញាធរឃុំ សង្កាត់ ក្រុង ស្រុក អនុវត្តនូវការងារមួយចំនួនដូចខាងក្រោម៖
១. អាជ្ញាធរ ឃុំ សង្កាត់ ក្រុង ស្រុក ត្រូវផ្សព្វផ្សាយ និងអនុវត្តតាមនីតិវិធី របស់គណៈកម្មាធិការជាតិរៀបចំការបោះឆ្នោតអោយមានប្រសិទ្ធិភាព
២. ផ្តល់សេវាសាធារណៈជូនប្រជាពលរដ្ឋនៅមូលដ្ឋានអោយបានឆាប់រហ័ស់ដោយមិនប្រកាន់និន្នាការនយោបាយ
៣. អាជ្ញាធរមូលដ្ឋាន រួមគ្នាដោះស្រាយទំនាស់ក្រៅប្រព័ន្ធតុលាការ សម្របសម្រួលអោយអស់លទ្ធភាពនៅមូលដ្ឋាន ៕
ព័ត៌មាន ដោយ លឹម សាវុធ
