ខេត្ដបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនបុគ្គលិកផ្នែកទីផ្សាក្រុមហ៊ុនលក់គ្រឿងសំណង់ទាលុយពីអតិជនបានបានជាង៦ពាន់ដុល្លាយកទៅលេងល្បែងអស់ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៨ ខែកញ្ញា ឆ្នាំ២០២៣។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថ ក្រុងប៉ោយប៉ែត បានប្រាប់ថា៖ ជនសង្ស័យដែល បានឃាត់មាន ឈ្មោះ ម៉ុន ផល្លា ភេទប្រុសអាយុ៣៥ឆ្នាំ (ជាបុគ្គលិកទីផ្សារក្រុមហ៊ុនលក់គ្រឿងសំណង់)នៅភូមិ.សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
លោកបានបញ្ជាក់ថា៖ក្រោយទទួលពាក្យបណ្តឹងឈ្មោះ ស សំរិត ភេទប្រុសអាយុ៤៥ឆ្នាំ(ម្ចាស់ក្រុមហ៊ុនលក់គ្រឿងសំណង់)នៅភូមិខាងលើបានប្តឹងឈ្មោះ ម៉ុន ផល្លា (ជាបុគ្គលិកផ្នែកទីផ្សារ)បានយកលុយចំនួន៦.៥៣៤.៥ដុល្លា ដែលយកពីអថិតិជនថ្លៃគ្រឿងសំណង់ចំនួន៣ទីតាំងហើយគេចខ្លួន។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយទទួលពាក្យបណ្តឹងកម្លាំងជំនាញបានស្រាវជ្រាវបានដឹងនិងធ្វើលិខិតអញ្ញើញចូលខ្លួនបំភ្លឺនៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែត ហើយសម្រេចឃាត់ខ្លួនសាកសួរតាមចម្លើយសារភាពពិតជាបានយកលុយរបស់ក្រុមហ៊ុមលក់គ្រឿងសំណង់ទៅលេងល្បែងនិងចាយអស់ត្រូវបានឃាត់ខ្លួននឹងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់៕
