(ឧត្តរមានជ័យ) ៖ គេសង្កេតឃើញថា ការបើកល្បែងឆ្នោតឡូតូអនឡាញតាមកញ្ចក់ទូរទស្សន៏ ដែលមានទីតាំងដាក់នៅកន្លែងហាងកាហ្វេ តាមតារាងបាល់ ក្នុងភូមិសាស្ត្រខេត្តឧត្តរមានជ័យចាប់ផ្តើមកក្រើកឡើងវិញខណៈដែល ស្ងប់ស្ងាត់អស់មួយរយៈពេលកន្លងមកក្រោយពីសម្តេចតេជោសែនដាក់បទបញ្ជាផ្ទាល់ទៅអគ្គស្នងការនគរបាលជាតិដាក់ផែនការបង្ក្រាបតាមបណ្តារាជាធានីក្រុង ស្រុកត្រូវតែផ្អាកបិទរាល់ការបើកលេងល្បែងសុីសងខុសច្បាប់គ្រប់ប្រភេទជាបន្ទាន់។
ជាក់ស្តែងបច្ចុប្បន្ននេះមានបងប្អូនដែលរស់នៅផ្ទាល់ជាប់ទៅនឹងទីតាំងបើកកន្លែងឆ្នោតឡូតូបានបង្ហើបប្រាប់ឲ្យដឹងនៅថ្ងៃទី១៨ខែកញ្ញាឆ្នាំ២០២៣ថា ជារៀងរាល់ថ្ងៃគាត់ឃើញ កន្លែងហាងលក់គុយទាវកាហ្វេ ក្បែរផ្ទះគាត់បានចាប់ផ្តើមឆ្នោតឡូតូ បើកលេងយ៉ាងគគ្រឹកគគ្រេង២ទៅ៣ខែមក កន្លងមកឃើញគេបិទមួយរយ:មែនតែអីលូវបើកលេងវិញជាធម្មតាហើយក៏មិនមានរំខានអីដល់អាជ្ញាធរ ភូមិឃុំព្រមទាំងសមត្ថកិច្ចពាក់ព័ន្ធឡើយ។
បើតាមប្រភពពីប្រជាពលរដ្ឋធំផ្សេងទៀតបានបញ្ជាក់ប្រាប់ថា ចំពោះកន្លែងឆ្នោតឡូតូនេះផងដែរ គាត់សង្កេតឃើញថា ក្នុងមួយថ្ងៃៗ មានមនុស្សចាស់ ក្មេងជាច្រើននាក់ដែលញៀនទៅនឹងល្បែងមួយនេះ ចេញចូលក្នុងបរិវេណនេះតែរហូតតែម្តង ហើយដោយឡែកទីតាំងខ្លះដាក់តារាងបាល់ទេតែបើកលេងល្បែងឆ្នោតឡូតូនិងមានជល់តាមប្រព័ន្ធអនឡាតនឹងដូចគ្នា មួយវិញទៀតគាត់បានលឺថាទីតាំងអស់នឹងមានច្បាប់ចឹងហើយគេបើកលេងមិនខ្លាចនណាឡើយ។
លោកបានបញ្ជាក់ប្រាប់ឲ្យដឹងពីអ្នកមើលការងារនៅកន្លែងឆ្នោតឡូតូនោះផ្ទាល់បានប្រាប់ថា ទីតាំងឆ្នោតឡូតូ ជាច្រើនកន្លែងរបស់ថៅកែរបស់ពួកគាត់ដាក់នៅតាមហាងកាហ្វេ ក៏ដូចជា តាមកន្លែងក្លឹបកីឡាតារាងបាល់ក្នុងភូមិសាស្ត្រខេត្តឧត្តរមានជ័យសុទ្ធសឹងតែមានច្បាប់ត្រឹមត្រូវទាំងអស់ ហើយបានចាប់ផ្តើមបើកឡើងវិញនេះទើប ប្រហែលជាពីរបីខែប៉ុណ្ណោះ។
សូមជម្រាបថា ទីតាំងឆ្នោតឡូតូនេះដែរ គឺស្ថិតនៅក្នុងសង្កាត់អូរស្មាច់ ក្រោយផ្សារចំការចេក ច្រកចូលផ្សារឈូក មុខបឹងស្នោ ស្រុកអន្លង់វែងនិងនៅ ស្រុកត្រពាំងប្រាសាទជាដើម បើតាមការឲ្យដឹង ពីអ្នកមើលការខុសត្រូវបាន ប្រាប់ឲ្យដឹងថា ឆ្នោតឡូតូនេះថៅគាត់ដាក់តាមកញ្ចក់ទូរទស្សន៏តាមហាហកាហ្វេជាច្រើនកន្លែងផ្សេងទៀត ដោយឡែកការបើកនេះដែររឿងច្បាប់ទំលាប់ចេញអនុញាតិពីខាងណានោះក៏ក្រុមការងារពត៌នានយើងពុំទាន់ដឹងច្បាស់នៅឡើយដែរ គ្រាន់តែមានការអះអាងពីអ្នកមើលការខុសត្រូវផ្ទាល់ប្រាប់បញ្ជាក់ថាមានច្បាប់ឲ្យបើកលេងឆ្នោតឡូតូ ដល់ពេលឃើញបើកផ្ទាល់មានដាក់ទូរទស្សន៏បើកជល់មានតាមអនឡាញថែមទៀត។
