ខេត្តបន្ទាយមានជ័យ ៖ នៅរសៀលថ្ងៃទី ២ខែមិថុនា ឆ្នាំ២០១៥នេះ នៅអធិការដ្ឋាននគបាល ស្រុកម៉ាឡៃ ស្ថិតនៅស្រុកម៉ាឡៃ ខេត្តបន្ទាយមានជ័យ បានរៀបចំពិធីប្រកាសតែងតាំង លោកអៀមរីន ជាអធិការ ស្រុកម៉ាឡៃថ្មី ជំនួសលោក សៅប៊ុន អធិការចាស់ ដែលត្រូវចូលនិវត្តន៍។
ពិធីនេះមានការចូលរួម លោកឧត្តមសេនីយ៍ត្រី អាត់ខែម ស្នងការនគបាល ខេត្តបន្ទាយមានជ័យ និងថ្នាក់ដឹកនាំ ស្រុកម៉ាឡៃជាច្រើននាក់ ទៀតបានចូលរួមផងដែរ ។តាមរយ:សេចក្តីសម្រេច របស់អគ្គស្នងការ ដ្ឋាននគរបាលជាតិ បានប្រកាសតែងតាំង លោកអៀមរីន ពីអធិការងឲ្យមកកាន់ ជាអធិការ នគរបាលស្រុកម៉ាឡៃ ជំនួសលោកសៅប៊ុន ដែលត្រូវនិវត្តន៍ ។
នៅចំពោះមុខមន្ត្រី នគរបាលទាំងអស់ លោកឧត្តមសេនីយ៍ ត្រីអាត់ខែម បានណែនាំឲ្យលោក អៀមរីន អធិការថ្មីត្រូវខិតខំបំពេញ ភារកិច្ចឲ្យកាន់តែ មានប្រសិទ្ធភាពដើម្បីបម្រើ ប្រជាពលរដ្ឋនៅតាមមូលដ្ឋាន ឲ្យបានល្អជាពិសេសនោះ គឺការទប់ស្កាត់ បទល្មើសផ្សេងៗ នៅតាមព្រំដែនដួចជា ករណីគ្រឿងញៀន បទល្មើសទំនិញ គេចពន្ធ ទប់ស្កាត់ពលករ ចំណាកស្រុក ទៅរកកាងារធ្វើនៅប្រទេសថៃ ដោយខុសច្បាប់ និងបម្រើសេវាសាធារណ: ជូនប្រជាពលរដ្ឋ កុំឲ្យមានការថ្នាំងថ្នាក់។
ជាមួយគ្នានេះ លោកស្នងការខេត្ត បានជំរុញឲ្យ កងកម្លាំងទាំងអស់ ត្រូវចេះសាមគ្គី ផ្ទៃក្នុង និងត្រូវគោរពបទបញ្ជា របស់ថ្នាក់ដឹកនាំឲ្យបានមួយរយភាគរយ៕
