កាលពីថ្ងៃទី២៣ ឧសភា ឆ្នាំ២០១៥ តាមការចង្អុល បង្ហាញពីឯកឧត្តម នាយឧត្តម សេនីយ៍ផ្កាយមាស ៤ ជា ដារ៉ា អគ្គមេបញ្ជាការរងកងយោធ ពលខេមរភូមិន្ទនិងជាមេបញ្ជា ការសមរងភូមិមុខប្រចាំទិស ប្រាសាទព្រះវិហារ និងឯកឧត្តម ឧត្តមសេនីយ៍ឯក ចៅ យុត្តិបុត្រ នាយសេនាធិការ ចម្រុះបានចាត់តាំងលោក ហ៊ុន សុខា តំណាងអោយ ឯកឧត្តម នាយឧត្តមសេនីយ៍ ជា ដារ៉ា បានពាំនាំសម្ភារៈ ថវិកាចែកជូនដល់ប្អូនៗកីឡា ករបាល់ទាត់នៅភូមិត្រពាំង រពៅ ឃុំព្រែកត្នោត ស្រុកទឹក ឈូ ខេត្តកំពត ។
នៅក្នុងពិធីនោះផងដែរ ក៏មានវត្តមានប្រធានក្រុម ប្រឹក្សាឃុំព្រែកត្នោត សមាជិកក្រុមប្រឹក្សាឃុំព្រែកត្នោត និងមេឃុំនិងប្រជាជនចំនួន ជាង ៥០០នាក់ បានចូលរួម ក្នុងពិធីនោះដែរ នៅក្នុងកិច្ច ចាប់ផ្តើមនៃអង្គពិធី លោក ហ៊ុន សុខា តំណាងដ៏ខ្ពង់ខ្ពស់ របស់ ឯកឧត្តម នាយឧត្តម សេនីយ៍ ជា ដារ៉ា បានពាំនាំ នៅប្រសាសន៍ផ្តាំផ្ញើពីសំណាក់ ឯកឧត្តម នាយឧត្តមសេនីយ៍ ជា ដារ៉ា សាកសួរសុខទុក្ខ បងប្អូនប្រជាពលរដ្ឋដែលរស់ នៅភូមិត្រពាំងរពៅ ឃុំព្រែក ត្នោត ស្រុកទឹកឈូ ខេត្តកំពត ដែលបានចូលរួមក្នុងកម្មវិធី នោះដោយសង្កត់ធ្ងន់ថា ឯក ឧត្តម នាយឧត្តមសេនីយ៍ ជា ដារ៉ា គឺជាមេទ័ពជាន់ខ្ពស់ម្នាក់ ដែលមានមនសិកាស្នេហាជាតិ ការពារមាតុប្រទេស ការពារ សន្តិភាពជូនប្រជាពលរដ្ឋមិន ប្រកាន់និន្នាការនយោបាយ បក្សឡើយ ហើយ ឯកឧត្តម នាយឧត្តមសេនីយ៍ ជា ដារ៉ា តែងតែអនុវត្តយ៉ាងខ្ជាប់ខ្ជួននូវ ប្រសាសន៍ដ៏ថ្លៃថ្លារបស់នាយក រដ្ឋមន្ត្រីនៃព្រះរាជាណាចក្រ កម្ពុជា គឺកងខេមរភូមិន្ទការ ពារបូរណភាពទឹកដី ការពារ មិនឱ្យខ្មាំងសត្រូវយីយាសូម្បី តែ ១មីលីម៉ែត្រ ។
លោក ហ៊ុន សុខា បាន មានប្រសាសន៍ថែមទៀតថា ឯកឧត្តម នាយឧត្តមសេនីយ៍ ជា ដារ៉ា ជាមេបញ្ជាការជាន់ ខ្ពស់នៃកងយោធពលខេមរ ភូមិន្ទ ដែលឈរជើងនៅសម រភូមិមុខ ហើយ ឯកឧត្តម ក៏ បានងាកក្រោយមើលសុខទុក្ខ បងប្អូនប្រជាពលរដ្ឋដែលមាន ការលំបាកនៅសមរភូមិ ក្រោយ ។ ជាក់ស្តែងថ្ងៃនេះ គ្រាន់តែឮដំណឹងថា ប្អូនៗ កីឡាករបាល់ទាត់នៅភូមិ ត្រពាំងរពៅ ស្រុកព្រែកត្នោត មានការខ្វះខាតសម្ភារៈថវិកា ក៏បានចាត់ឱ្យខ្ញុំបាទចុះមកដល់គោលដៅភ្លាម ។ នេះជាការ យកចិត្តទុកដាក់ដល់បងប្អូន ប្រជាពលរដ្ឋទូទៅ ក្នុងនោះ ផងដែរ ឯកឧត្តម នាយឧត្តម សេនីយ៍ ជា ដារ៉ា ក៏បានឱ្យខ្ញុំ បាទចែកជូនសម្ភារៈមានដូចជា ខោអាវកីឡាករបាល់ទាត់ ចំនួន ២០កំប្លេ ថវិកាជូនក្រុម ចចកសមុទ្រចំនួន ៤០.០០ ០០រៀល, ក្រុមបាល់ទាត់ ត្រើយកោះចំនួន ២០.០០ ០០រៀល គណៈកម្មការអាជ្ញា កណ្តាលមួយនាក់ ១០.០០ ០០រៀល ហើយ ឯកឧត្តមក៏ បានផ្តាំផ្ញើបន្ថែមទៀតថាសូម ឱ្យប្អូនជៀសផុតពីគ្រឿងញៀន ហើយកីឡាដើម្បីសុខភាព ព្រោះប្អូនៗគឺជាទំពាំងស្នង ប្ញស្សី ដើម្បីប្រទេសជាតិ ។
ជាទីបញ្ចប់បងប្អូនប្រជា ពលរដ្ឋចូលរួមក្នុងកម្មវិធីនោះ ក៏បានប្រសិទ្ធពរដល់ ឯកឧត្តម នាយឧត្តមសេនីយ៍ ជា ដារ៉ា, ឯកឧត្តម នាយឧត្តមសេនីយ៍ ឯក ចៅ យុត្តិបុត្រ និងលោក ហ៊ុន សុខា ឱ្យសុខភាពល្អ ដើម្បីការពារប្រទេសជាតិ មាតុភូមិនិងប្រជាពលរដ្ឋគ្រប់ ពេលវេលា ៕
