កាន់តែសាហាវយុវជនម្នាក់រងរបួសធ្ងន់ខណះជនជាតិវៀតណាមមួយក្រុមឆ្លងដែនចូលដីខ្មែរប្រើប្រាស់អំពើហិង្សាខុសច្បាប់

កាន់តែសាហាវយុវជនម្នាក់រងរបួសធ្ងន់ខណះជនជាតិវៀតណាមមួយក្រុមឆ្លងដែនចូលដីខ្មែរប្រើប្រាស់អំពើហិង្សាខុសច្បាប់
ខេត្តស្វាយរៀង÷ដោយមានការសម្របសម្រួលពីលោក ដូរ៉ា អង្គប្រទាន ព្រះរាជអាជ្ញារង អមសាលាដំបូងខេត្តស្វាយរៀង. លោកឧ.ត្រី កុយ សុភាព ស្នងការរងទទួលផែនព្រហ្មទណ្ឌបានដឹកនាំកម្លាំងជំនាញព្រហ្មទណ្ឌ នៃស្នងការដ្ឋាននគរបាលខេត្តស្វាយរៀង កម្លាំងអធិការដ្ឋាននគរបាលស្រុកចន្រ្ទា និង ប៉ុស្តិ៍នគរបាលរដ្ឋបាលសំរោងកាលពីវេលាម៉ោង៨និង៣០នាទី ព្រឹកថ្ងៃទី២០ ខែ មិថុនា ឆ្នាំ២២០២៣
បានចុះធ្វើការឆែកឆេរ នៅត្រង់ចំណុច វីឡាលេខ 03 Y04 នៅក្នុងបរិវេណកាសុីណូសៀងហៃរីសត ស្ថិតនៅភូមិចេក ឃុំសំរោង ស្រុកចន្រ្ទា ខេត្តស្វាយរៀង ដែលជាប់ទាក់ទិនក្នុង ករណីហឹង្សាចេតនា មានស្ថានទម្ងន់ កាលពីថ្ងៃទី ១៧ ខែ មិថុនា ឆ្នាំ២០២៣ វេលាម៉ោង២២:៣០នាទី ។ក្នុងនោះសមត្ថកិច្ចឃាត់ខ្លួនជនសង្ស័យចំនួន ១៤ នាក់ (ប្រុស) ជនជាតិវៀតណាម .
រួមវត្ថុតាងមួយចំនួនដកហូតបានរួមមាន:
– អាវុធខ្លី ០៣ ដើម
– កាំបិតផ្គាក មួយចំនួន
– កាំបិតខ្លី ០៣ ដើម
– ទូដែក ចំនួន០៣ (គ្មានសម្ភារះ)
– កាបូបស្ពាយខាងមួយចំនួន
ប្រជាពលរដ្ឋ មានការងឿងឆ្ងល់ថាហេតុអ្វីបានជាជនជាតិវៀតណាម មួយក្រុមនេះ ចេញចូលដោយខុសច្បាប់ តាមច្រកសំរោង នៃខេត្តស្វាយរៀង តើសមត្ថកិច្ច អនោសប្រវេសន៍ព្រំដែន ដែលមានតួនាទីសំខាន់ តើមានការត្រួតពិនិត្យដែរឬទេ ឬក៏ពួកគាត់ដេកលក់អស់ទេដឹង បានជាបណ្ដោយ ឲ្យពួកទាំងនេះចេញចូលដោយសេរី និងដើរហើរយ៉ាងអាណាធិបតេយ្យនៅលើទឹកដីកម្ពុជាបែបនេះ ថែមទាំងមានអាវុធជាប់ខ្លួនថែមទៀតផង ។បច្ចុប្បន្នជនសង្ស័យដែលជាជនជាតិវៀតណាម រួមទាំងវត្ថុតាមខាងលើ ត្រូវបានសមត្ថកិច្ចសាកសួរនិងកសាងសំណុំរឿងចាត់ការបន្តតាមនីតិវិធី ៕ទៀវ ដារិន