ភ្នំពេញ៖ សម្រាប់ដំណើរការបោះឆ្នោតជ្រើសតាំងអ្នកតំណាងរាស្ត្រអាណត្តិទី៧ នៃរដ្ឋសភា ដែលនឹងប្រព្រឹត្តិទៅនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ គណៈកម្មាធិការជាតិរៀប ចំការបោះឆ្នោត(គ.ជ.ប) បានបោះពុម្ពសន្លឹកឆ្នោត ដោយគម្រោងបោះពុម្ព ១ ៣លាន សន្លឹកនិងចំណាយសថវិកាសម្រាប់ដំណើរការបោះឆ្នោតជាង៥០លានដុល្លារ។ នេះបើតាម អ្នក នាំពាក្យគ.ជ.ប។

 

 

​ថ្លែងប្រាប់ក្រុមអ្នកសារព័ត៌មាននៅចំពោះមុខតំណាងគណបក្សនយោបាយ ចូលរួម ប្រកួតប្រជែង ក្នុងការបោះឆ្នោត អង្គការសង្កេតការណ៍បោះឆ្នោត និងអ្នកសារព័ត៌មានដើម្បី ចូលរួមពិនិត្យមើលដំណើរការបោះពុម្ពសន្លឹកឆ្នោត សម្រាប់ការបោះឆ្នោតជ្រើស តាំងតំណាង រាស្រ្ត នីតិកាលទី៧ ឆ្នាំ២០២៣ នៅព្រឹកថ្ងៃទី១៥ ខែមិថុនា ឆ្នាំ២០២៣ ឯកឧត្តម លោក ហង្ស ពុទ្ធាសមាជិកនិងជាអ្នកនាំពាក្យ បានបញ្ជាក់ថា សន្លឹកឆ្នោតដែលនឹងបោះពុម្ពជាង ១៣ លាន សន្លឹក គឺចែកចេញជា ២ ប្រភេទ ដោយប្រភេទទី១ គឺជាប្រភេទសន្លឹកឆ្នោត ដែលនឹងបញ្ជូន ទៅការិយាល័យបោះឆ្នោត ជាង ២.៣០០ ការិយាល័យ និងប្រភេទទី២ សន្លឹកឆ្នោតជាង ១លាន ២សែនសន្លឹក គឺតម្កល់ទុកនៅគណៈកម្មការខេត្ត រៀបចំការបោះឆ្នោត ត្រៀមបម្រុង ដើម្បីដោះស្រាយ បញ្ហាជាយថាហេតុណាមួយ ដែលអាចនឹងកើតឡើង។

 

ឯកឧត្តមអ្នកនាំពាក្យ គ.ជ.ប បានបញ្ជាក់ថា «សម្រាប់ដំណើរ ការបោះពុម្ពសន្លឹកឆ្នោត ជាង ១៣ លានសន្លឹក ចំណាយថវិកាជាង ២ លានដុល្លារ។ សរុបថវិកា សម្រាប់ការបោះ ឆ្នោតនេះ ជាង ៥០លានដុល្លារ។ ទឹកខ្មៅជ្រលក់ដៃ បញ្ជាទិញពីឥណ្ឌា ជាង ៥ម៉ឺន ២ពាន់ដប។ ជាមួយគ្នានោះដែរឯកឧត្តមអ្នកនាំពាក្យបានឲ្យដឹងថា សន្លឹកឆ្នោតបោះពុម្ពរួចរាល់បាន ១១ខេត្ត ហើយកាលពីនៅថ្ងៃទី១៥ ខែកក្កដា ឆ្នាំ២០២៣។

សូមជម្រាបថាដំណើរ ការរៀបចំបោះពុម្ពសន្លឹកឆ្នោត និងប្រព្រឹត្តទៅជាប្រក្រតី គ.ជ.ប អញ្ជើញភាគី ពាក់ព័ន្ធ ទាំងគណបក្សនយោបាយ ដើម្បីពិនិត្យមើលការបោះសន្លឹកឆ្នោត ហើយ មន្ត្រីជំនាញរបស់ គ.ជ.ប បានត្រៀមរៀបចំកម្លាំង ដើម្បីទៅយាមការពារ នៅកន្លែងទីតាំង បោះពុម្ពសន្លឹកឆ្នោត ផងដែរ។ កាលពីថ្ងៃទី៣១ ខែឧសភា ឆ្នាំ២០២៣ គំរូសន្លឹកឆ្នោត សម្រាប់បោះពុម្ព បានបញ្ជូនទៅដល់រោងពុម្ពហើយ។ ចំណែកឯកឧត្តម ប្រាជ្ញ ចន្ទ ប្រធាន គ.ជ.ប ដែលចុះពិនិត្យទីតាំងបោះពុម្ពសន្លឹកឆ្នោត ដែលបានឱ្យដឹងថា សម្រាប់ដំណើរការរៀបចំការបោះឆ្នោតជ្រើសតាំងអ្នកតំណាងរាស្ត្រ អាណត្តិទី៧នៃរដ្ឋសភា ដែលនឹងប្រព្រឹត្តិទៅនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ បានដំណើរការដោយរលូន។ ឯកឧត្តមប្រធានថា ក្នុងកិច្ចការងារឆ្ពោះទៅកាន់ការបោះឆ្នោត គ.ជ.ប បានបំពេញការងា រជាបន្តបន្ទាប់ទៅតាមផែនការមេ និងប្រតិទិនរបស់ខ្លួនតាមច្បាប់កំណត់។

សម្រាប់ការចូលរួម បោះឆ្នោតគ.ជ.បបានទទួលគណបក្សនយោបាយចំនួន១៨ និងបាន រៀបចំចាប់លំដាប់ថ្នាក់ លេខរៀងសម្រាប់ដាក់លើសន្លឹកឆ្នោត រួចហើយ។ ឯកឧត្តមបញ្ជាក់ថា «ពេលនេះ គ.ជ.ប កំពុងដំណើរការបោះពុម្ពសន្លឹកឆ្នោត ហើយការ បោះពុម្ពសន្លឹកឆ្នោតលើកនេះក៏ដូចជាលើកមុនៗដែរ គឺរៀងរាល់ការបោះ ឆ្នោតសកលគ.ជ.ប តែងតែអញ្ជើញបណ្តាភាគីពាក់ព័ន្ធមកចូលរួមដើម្បីពិនិត្យនូវដំណើរ ការបោះពុម្ពសន្លឹកឆ្នោត»។

សូមជម្រាបថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ គឺមានគណបក្សនយោបាយ ចំនួន ១៨ ចូលរួមប្រកួតប្រជែង ហើយកាលពីថ្ងៃទី២៩ ខែឧសភា ឆ្នាំ២០២៣ គ.ជ.ប បានរៀបចំពិធីចាប់ឆ្នោត ដើម្បីកំណត់លំដាប់លេខរៀង ឈ្មោះគណបក្ស នយោបាយឈរឈ្មោះបោះឆ្នោត នៅលើសន្លឹកឆ្នោត សម្រាប់ការបោះ ឆ្នោតជ្រើសតាំង តំណាងរាស្រ្ត នីតិកាលទី៧ ឆ្នាំ២០២៣។

ជាលទ្ធផលនៃការចាប់ឆ្នោត ដើម្បីកំណត់ លំដាប់លេខរៀង ឈ្មោះគណបក្សនយោបាយ នៅលើសន្លឹកឆ្នោត សម្រាប់ការ បោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣គឺ

១. គណបក្ស សំបុកឃ្មុំ សង្គមប្រជាធិបតេយ្យ,

២. គណបក្សខ្មែរតែមួយ,

៣. គណបក្សសញ្ជាតិកម្ពុជា,

៤. គណបក្សខ្មែររួបរួមជាតិ,

៥. គណបក្សកម្លាំងប្រជាធិបតេយ្យ,

៦. គណបក្សកសិករ,

៧. គណបក្សស្រ្តីដើម្បីស្ត្រី,

៨. គណបក្សខ្មែរឈប់ក្រ,

៩. គណបក្សហ្វ៊ុនស៊ិនប៉ិច,

១០. គណបក្សធម្មាធិបតេយ្យ, ១១. គណបក្សប្រជាធិបតេយ្យមូលដ្ឋាន,

១២. គណបក្សបំណងពលរដ្ឋ,

១៣. គណបក្សខ្មែរអភិវឌ្ឍន៍សេដ្ឋកិច្ច, ១៤. គណបក្សឯកភាព ជាតិខ្មែរ,

១៥. គណបក្សខ្មែរអភិរក្ស,

១៦. គណបក្សយុវជនកម្ពុជា,

១៧. គណបក្ស ជនជាតិដើមប្រជាធិបតេយ្យកម្ពុជា និង

១៨. គណបក្សប្រជាជនកម្ពុជា៕