សាហាវមែន! ថៅកែឃ្លាំងស្តុកគ្រឿងស្នោរសម្រប់វេចខ្ចប់ចំណីអាហារ គ្រាន់តែគេប្រាប់ឱ្យយករថយន្តចេញពីមុខផ្ទះគេ ស្រាប់តែបញ្ជាកូនចៅខ្ញុំបំរើប្រមាណជាង១០នាក់ សម្រុកវាយទៅលើគ្រូបង្រៀនម្នាក់ និងអ្នកកាសែតម្នាក់ប្រេះរលាក្បាល
ភ្នំពេញ៖ រឿងផ្លូវចេញចូលមុខផ្ទះប្រជាពលរដ្ឋចំនួន ០២នាក់ គ្រាន់តែប្រាប់ឲ្យថៅកែឃ្លាំងស្តុកគ្រឿងស្នោរសម្រាប់វេចខ្ចប់ចំណីអាហារ ឲ្យយករថយន្តចេញពីផ្នែកខាងមុខផ្ទះ ដើម្បីងាយស្រួលរថយន្តចេញចូលផ្ទះរបស់ខ្លួន ស្រាប់តែថៅកែលក់ស្នោររូបនោះបានខឹងសម្បារ ហើយហៅកម្មករមកព្រួតគ្នាវាយទាំងកម្រោលបណ្តាលអោយរងរបួសយ៉ាងធ្ងន់ធ្ងូ។
ពាក់ព័ន្ធករណីអំពើហិង្សាខាងលើនេះបានកើតឡើង នៅវេលាម៉ោង ២១និង៤០នាទី ថ្ងៃទី១៣ ខែមិថុនា ឆ្នាំ២០២៣នេះ ស្ថិតត្រង់ចំណុចផ្លូវប៉េតុង ក្នុងភូមិត្រពាំងល្វា២ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ជាក់ស្តែង បុរសទាំង០២នាក់ មានម្នាក់ជាគ្រូបង្រៀន រងរបួសបាក់ម្រាមដៃ និងម្នាក់ទៀត ផុងលលាក្បាល កំពុងស្ថិតក្នុងការសង្គ្រោះបន្ទាន់នៅមន្ទីរពេទ្យ។
មន្ត្រីអាវុធហត្ថខណ្ឌពោធិ៍សែនជ័យបានឲ្យដឹងថា ករណីអំពើហិង្សានេះ កើតឡើងនៅម៉ោងប្រមាណ ២១យប់ នៅថ្ងៃទី១៣ ខែមិថុនា ជនបង្កជាម្ចាស់ឃ្លាំងគ្រឿងជ័រស្នោ និងកូនចៅមានគ្នាប្រមាណជាង១០នាក់ បានព្រួតគ្នាវាយលើជនរងគ្រោះជាអ្នកជិតខាងគ្នា ព្រោះទំនាស់រឿងថតឡានដឹកឥវ៉ាន់ពេញផ្លូវ ពិបាកដល់ប្រជាពលរដ្ឋធ្វើដំណើរចេញចូលលំនៅដ្ឋាន និងផ្ទះសម្បែងរបស់គាត់។
សមត្ថកិច្ចប៉េអឹមបានឱ្យដឹងទៀតថា ជនរងគ្រោះទាំង ០២នាក់ មានឈ្មោះដូចខាងក្រោម៖
ទី១- ឈ្មោះ ឈុន វុទ្ធី ជាគ្រូបង្រៀននៅសាលាពោធិ៍ចិនតុង បានរងរបួសបាក់ម្រាមដៃ និងម្នាក់ទៀតឈ្មោះ យ៉ាវ វាសនា មានតួនាទីជា”ចាងហ្វាងសារព័ត៌មាន រស្មីឱ្យរ៉ាល់” បានរងរបួសយ៉ាងធ្ងន់ធ្ងូ ក្បាលរបស់លោកត្រូវបានជនបង្កវាយនិងវត្ថុរឹងបណ្តាលអោយស្រាំលលាក្បាល។
សមត្ថកិច្ចជំនាញបន្តថា មុនពេលកើតហេតុ ជនរងគ្រោះបាននៅក្នុងផ្ទះធម្មតា ប៉ុន្តែដោយសារម្ចាស់ឃ្លាំងស្តុកគ្រឿងស្នោរជ័រ សម្រាប់វេចខ្ចប់ចំណីអាហារ បានចតរថយន្តដឹកទំនិញចំនួន ០៣គ្រឿង ទន្ទឹមគ្នាស្ទើរបិទផ្លូវចេញចូលជិត ធ្វើឲ្យពិបាកក្នុងការចេញចូលផ្ទះរបស់ខ្លួននោះ ជនរងគ្រោះក៏បានប្រាប់ដើរទៅប្រាប់ម្ចាស់ឃ្លាំងឲ្យយករថយន្ត ០១គ្រឿង ចេញដើម្បីឲ្យងាយស្រួលចេញចូលផ្ទះ ប៉ុន្តែម្ចាស់ឃ្លាំងរូបនេះមិនព្រមយកចេញហើយដោយនិយាយថា រូបគេមិនយករថយន្តចេញទេ បើទើសចេញចូលមិនរួចវាបុក ឬប៉ះនោះ ចាំគិតទៀត។
ខណះពេលនោះ ក៍មានការជជេកគ្នាខ្លាំងៗ ទើបខាងជនបង្កឱ្យមានទំនាស់ ស្រែកហៅក្រុមកម្មករជាបរិវាររបស់ខ្លួនប្រមាណជាង ១០នាក់ មកព្រួតវាយលើជនរងគ្រោះទាំង០២នាក់ ទាំងកម្រោលតែម្តង។
តាមសាក្សីរស់នៅក្បែរកន្លែងកើតហេតុបាននិយាយថា ម្ចាស់ឃ្លាំងដ៏ធំ(ស្តុកគ្រឿងស្នោរជ័រ)ដែលបង្កហិង្សាដោយចេតនាទៅលើ ជនរងគ្រោះរហូតដល់ស្តាំលលាក្បាលនោះ បង្កផលប៉ះពាក់ពាល់ដល់ប្រជាពលរដ្ឋដែលរស់នៅជិតខាងនេះជាយូណាស់មកហើយ គឺមិនគោរពសិទ្ធអ្នករស់នៅជិតខាងនោះទេ ដូចជាករណីលើកដាក់សាងអីវ៉ាន់ ជាទំនិញរបស់ពួកគេ ដោយមានបង្កការរំខានរហូតរាប់ឆ្នាំមកហើយ ប៉ុន្តែម្ចាស់ឃ្លាំងរូបនេះ មិនខ្វល់ពីសុខទុក ឬការប៉ះពាល់ដល់អ្នកជិតខាងឡើយ។
សាក្សីរស់បន្តទៀតថា នៅយប់កើតហេតុថៅឃ្លាំងខាងលើ បានចតរថយន្តរញ៉េរញៃធ្វើឱ្យអ្នកជិតខាងចេញចូលផ្ទះមិនកើត ហើយពេលនោះជនរងគ្រោះក៏បានប្រាប់ឱ្យជួយសារ៉េឡានដឹកអីវ៉ាន់ឱ្យមានរបៀបរៀបរយ ដើម្បីពួកគាត់ចេញចូលផ្ទះផង ប្រាប់គារហើយក៍ពួកគេនៅតែមិនស្តាប់ ហើយថែមទាំងបញ្ជាកម្មករបង្កអំពើហិង្សាដោយមានចេតនាថែមទៀតផង។
ភ្លាមៗនោះក៍មាន អ្នកសារព័ត៌មាន បម្រើការងារនៅទូរទស្សន៍ហង្សមាស ម្នាក់ក៍បានទំនាក់ទំនងទៅសមត្ថកិច្ចកងរាជអាវុធហត្ថរាជធានីភ្នំពេញ ដើម្បីសុំការអន្តរាគមន៍ ប៉ុន្តែក្រុមជនបង្កទាំងនោះបាននាំគ្នារត់ចូលទៅក្នុងឃ្លាំងចាក់សោរឃ្លាំងហើយនាំគ្នាពួនសំងំ នៅទីតាំងឃ្លាំងនោះយ៉ាងស្ងៀមស្ថាត់បំផុត។
តាមប្រជាពលរដ្ឋថា ម្ចាស់ឃ្លាំងដែលមានចិត្តសាហាវខូឃៅ មានគំរោងបង្កើត ហិង្សាដោយចេតនានេះ កាលពីកន្លងទៅឃ្លាំងទំនិញរបស់គេធ្លាក់កើតមានគ្រោះអគ្គិភ័យឆេះប៉ះពាល់ដល់ផ្ទះអ្នកជិតខាង តែករណីនោះនិងបានសម្របសម្រួលគ្នាយល់ព្រមទិញផ្ទះដែលឆេះ និងបានពង្រឹងឃ្លាំងកាន់តែធំបន្ថែមទៀត។ កោយពីទិញដីពង្រើកឃ្លាំងមានទីធ្លារធំហើយនោះ ថៅកែឃ្លាំងរូបនេះក៍នៅតែបង្កការរំខានដល់ពលរដ្ឋជិតខាង រហូតដល់បង្កើតកើតករណីហិង្សាយ៉ាងធ្ងន់ធ្ងូទៅលើប្រជាពលរដ្ឋជិតខាង។ ប្រជាពលរដ្ឋជាច្រើនគ្រួសារដែលរស់នៅជិតខាងផ្ទះថៅកែលក់ស្នោរទាំងនោះពួកគាត់ក៍នៅតែ បង្ហាញក្តីបារម្ភយ៉ាងខ្លាំង ចំពោះគ្រោះអគ្គិភ័យកើតឡើងដោយសារតែឃ្លាំងថៅកែលក់ជ័រស្នោរខាងលើនេះ។
បើទោះជាដូចច្នេះក៍ដោយ ជនរងគ្រោះបានសំណូមពរឲ្យអាជ្ញាធរមានសមត្ថកិច្ច ជួយផ្តល់យុត្តិធម៌ឲ្យពួកគាត់ផង និងអំពាវនាវដល់អាជ្ញាធរ ពិនិត្យមើលករណីឃ្លាំងទំនិញនេះផងដែរ ព្រោះបង្កការរំខានសម្រាប់ការរស់នៅរបស់ពួកគាត់យ៉ាងខ្លាំងជាប្រចាំថ្ងៃ ទាំងការលើកដាក់ទំនិញ និងការចតរថយន្តយ៉ាងអនាធិបតេយ្យគ្មានសណ្តាប់ធ្នាប់។
ដោយមើលឃើញការលំបាក និងរបស់លោកគ្រូបង្រៀនជាជនរងគ្រោះ និង អ្នកសារព័ត៌មានម្នាក់ ឯកឧត្តមបណ្ឌិត ម៉េង សោភ័ណ្ឌ ប្រធានមូលនិធិសមាគម អេអ៊ី អឹមអេសជេ (AE MSJ) បានប្រកាសដល់សមាជិក សមាជិកា និងសម្បុរសជននានាជួយ លោក យ៉ាវ វាសនា ចាងហ្វាងគេហទំព័រ រស្មីភ្នំឳរ៉ាល ត្រូវបានថៅកែឃ្លាំងជ័រ និងកូនចៅព្រួតវ៉ៃ ធ្វើឲ្យមានរបួសយ៉ាងទម្ងន់ បានប្រះលលាក្បាល ដើម្បីជួយសម្រាលទុកលំបាកមួយនេះ៕
ប្រភព÷
