លោក ម៉ែន អេង បានមានប្រសាសន៍ឲ្យដឹងថា ពិធីនេះបានប្រារព្វធ្វើឡើងនៅក្នុងគោលបំណងដើម្បីឲ្យយុវជនជំនាន់ក្រោយបានសិក្សាស្វែងយល់ពីប្រទេសមួយដែលធ្លាប់មានសង្គ្រាមជាច្រើនឆ្នាំ ប្រែក្លាយជាប្រទេសមួយដែលកំពុងអភិវឌ្ឍន៍លើគ្រប់វិស័យ។

លោកអភិបាលរងខេត្តបានលើកឡើងទៀតថា ខេត្តស្វាយរៀងក៏ដូចជាបណ្ដាខេត្តមួយចំនួនទៀតនៅប៉ែក ឥឦនដែលមានព្រំប្រទល់ជាប់នឹងប្រទេសវៀតណាមជាតំបន់សមរភូមិជួរមុខដែលទទួលរងគ្រោះយ៉ាងធ្ងន់ធ្ងរនៅសង្គ្រាមរ៉ាំរ៉ៃទាំងសម័យលន់ណុលនិងសង្គ្រាមសម័យរបបប្រល័យពូជសាសន៍ប៉ុលពត។ ក្នុងនោះប្រវត្តិសាស្ត្របានអ្នកដឹងថា ប្រទេសកម្ពុជាបានឆ្លងកាត់នៅសង្គ្រាមដ៏រាំរ៉ៃអស់រយៈពេលជាច្រើនឆ្នាំដែលបានធ្វើឲ្យប្រទេសមួយនេះទទួលរងនូវភាពខ្ទិចខ្ទាំនិងអន្តរាយជាបន្តបន្ទាប់។ ជាពិសេសនៅក្នុងរបបប្រល័យពូជសាសន៍ប៉ុលពត វិស័យនានាត្រូវបានធ្លាក់ដល់ចំណុចសូន្យរួមទាំងអាយុជីវិតមនុស្សផងដែរ។

លោកបានបន្តថា:កម្ពុជាបានបញ្ចប់ដំណើរប្រដាប់អាវុធតាមរយៈមធ្យោបាយសន្តិភាពនិងដើម្បីឈានទៅដល់ការបង្រួបបង្រួមជាតិបើទោះបីជារបបកម្ពុជាប្រជាធិបតេយ្យត្រូវបានវាយផ្តួលរំលំដោយរណៈ សាមគ្គីសង្គ្រោះជាតិកម្ពុជានៅថ្ងៃទី ៧ខែមករាឆ្នាំ ១៩៧៩ រំដោះប្រទេសនិងប្រជាជនចេញពីក្រញ៉ាំដៃរបបវាលពិឃាតក៏ដោយក៏កម្ពុជានៅតែមានសង្គ្រាមស៊ីវិលបន្តទៅទៀតធ្វើឲ្យប្រជាជនកម្ពុជារងទុក្ខវេទនារស់នៅក្នុងសន្តិភាពផងនិងសង្គ្រាមផង។ ហេដ្ឋារចនាសម្ព័ន្ធត្រូវបានបំភ្លេចបំផ្លាញស្ទើរតែទាំងស្រុង។នៅចំពោះទុកសោករបស់ប្រជាជនកម្ពុជារដ្ឋាភិបាលនៃសាធារណរដ្ឋប្រជាមានិតកម្ពុជាមកបានប្ដូរឈ្មោះជារដ្ឋកម្ពុជាក៏ដូចជាថ្នាក់ដឹកនាំគណបក្សប្រជាជនកម្ពុជាជាពិសេសសម្ដេចតេជោ ហ៊ុន សែន បានខិតខំប្រឹងប្រែងយ៉ាងខ្លាំងដើម្បីស្វែងរកដំណោះស្រាយមួយលើកម្ពុជា។ នៅក្នុងគោលបំណងស្វែងរកសន្តិភាពនិងការបង្រួបបង្រួមជាតិឯកភាពជាតិឯកភាពទឹកដីប្រមូលធនធានមនុស្សនិងថវិកាឲ្យរីកចម្រើនឡើងវិញបន្ទាប់ពីទទួលរងការខូចខាតដោយសារសង្គ្រាមជាច្រើនឆ្នាំរួចមក៕/R