កម្លាំងសមត្ថកិច្ចស្រាវជ្រាវបង្រ្កាបនិងចាប់ខ្លួនចោរលួចម៉ូតូចំនួន ១នាក់ 

កម្លាំងសមត្ថកិច្ចស្រាវជ្រាវបង្រ្កាបនិងចាប់ខ្លួនចោរលួចម៉ូតូចំនួន ១នាក់ 

ខេត្តបាត់ដំបង,ស្រុកសំពៅលូន

លោកវរសេនីយ៍ទោ ទឹម វិឆ័យ  អធិការ នៃអធិការដ្ឋាននគរបាលស្រុកសំពៅលូន កាលពីថ្ងៃទី ១១ ខែ មិថុនា ឆ្នាំ២០២៣ វេលាម៉ោង ១៤ និង ២៤ នាទី កម្លាំងជំនាញ នៃអធិការដ្ឋាននគរបាលស្រុកសំពៅលូន បានទទួលពត៌មានដោយផ្ទាល់មាត់តាមរយៈទូរស័ព្ទ ពីជនរងគ្រោះឈ្មោះ សេង សម្បត្តិ ភេទប្រុស អាយុ ៤០ ឆ្នាំ មានទីលំនៅក្រុមទី០៨ ភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង បានប្តឹងរាយការណ៍ជូនសមត្ថកិច្ចឲ្យដឹងថា រូបគាត់បានបាត់ម៉ូតូចំនួន ០១ គ្រឿង ម៉ាក HONDA ZOOMER-X 110 cc ពណ៌ស-ទឹកក្រូច  សេរីឆ្នាំ២០១៧ លេខតួ MLHJF6202H5172822  លេខម៉ាស៊ីន   JF62E-0172822 គ្មានស្លាកលេខ  ដែលបានទុកនៅចំណុចក្នុងផ្សារថៃ ភូមិខៅឌីន ឃុំខៅឌីន ស្រុកខ្លងហាត ខេត្តស្រះកែវ ប្រទេសថៃ  ជាប់ច្រកព្រំដែនអន្តរជាតិគីឡូ១៣(ភ្នំដី) ស្ងិតក្នុងភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង បាត់នៅវេលាម៉ោងប្រហែល១២ ជាង ថ្ងៃទី ១១ ខែមិថុនា ឆ្នាំ២០២៣ ។ក្រោយពេលកម្លាំងសមត្ថកិច្ចទទួលពត៌មានភ្លាម កម្លាំងជំនាញនៃអធិការដ្ឋានគរបាលស្រុកសំពៅលូន បានសហការជាមួយកម្លាំងប៉ុស្តិ៍នគរបាលរដ្ឋបាលសន្តិភាព បានចុះធ្វើការស្រាវជ្រាវ ឃាត់ខ្លួនជនសង្ស័យឈ្មោះថា ធូធា ភេទប្រុស អាយុ ២៦ ឆ្នាំ មានទីលំនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង កម្លាំងសមត្ថកិច្ចដកយកវត្ថុតាង ៖ ម៉ូតូចំនួន ០១ គ្រឿង ម៉ាក HONDA ZOOMER-X 110 cc ពណ៌ស-ទឹកក្រូច  សេរីឆ្នាំ២០២៧ លេខតួ MLHJF6202H5172822  លេខម៉ាស៊ីន   JF62E-0172822 គ្មានស្លាកលេខ ជារបស់ជនរងគ្រោះដែលបាត់  បាននៅថ្ងៃទី ១១ ខែ មិថុនា ឆ្នាំ២០២៣ វេលាម៉ោង ១៥ និង ២៥ នាទី នៅចំណុចក្រុមទី០១ ភូមិត្រពាំងព្រលិត  ឃុំសន្តិភាព ស្រុកសំពៅលូន ខេត្តបាត់ដំបង បញ្ជូនមកកន្លែងអធិការដ្ឋាននគរបាលស្រុកសំពៅលូន ។ក្នុងកិច្ចប្រតិបត្តិការនេះ កម្លាំងសមត្ថកិច្ចបានធ្វើការឃាត់ខ្លួនជនសង្ស័យជាមុខសញ្ញា លួចយកម៉ូតូ  ចំនួន  ០១នាក់  បញ្ជូនទៅការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី ។ មួន រិទ្ធីយ៉ា