លោកវរសេនីយ៍ឯក ហាំ វណ្ណៈ ដឹកនាំកម្លាំងក្នុងអង្គភាពវរៈសេនាតូចនគរបាលការពារព្រំដែនគោកលេខ៨៩១គោរពទង់ជាតិ ព្រឹកថ្ងៃចន្ទ!!!
ខេត្តបន្ទាយមានជ័យ៖លោកវរសេនីយ៍ឯក ហាំ វណ្ណៈ មេបញ្ជាការ វរសេនាតូចនគរបាលការពារព្រំដែនគោកលេខ៨៩១ បានអញ្ជើញដឹកនាំកម្លាំង គោរពទង់ជាតិ នៃព្រះរាជាណាចក្រកម្ពុជា នាព្រឹក ថ្ងៃចន្ទ២ រោច ខែជេស្ធ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី ០៥ ខែមិថុនា ឆ្នាំ២០២៣។
ពិធីនេះក៏មានការចូលរួមពី លោក-លោកស្រី វរសេនីយ៍ទោ មេបញ្ជាការរង លោក-លោកស្រី នាយ នាយផ្នែក នាយប៉ុស្តិ៍នាយរងប៉ុស្តិ៍ ទាំង៦ប៉ុស្តិ៍ រួមមន្រ្តីទាំងអស់ ក្នុងអង្គភាពវរៈសេនាតូចនគរបាលការពារព្រំដែនគោកលេខ៨៩១ ។
ក្រោយចប់ពិធីគោរពទង់ជាតិ ៖លោកវរសេនីយ៍ឯក ហាំ វណ្ណៈ មេបញ្ជាការ វរៈសេនាតូចនគរបាលការពារព្រំដែនគោកលេខ៨៩១ ក៏បានមានប្រសាសន៍ ក្រើនរំលឹកដល់ កងកម្លាំងទាំងអស់ត្រូវគោរពវិន័យ០០៦ របស់កងកម្លាំង ត្រូវបន្តពង្រឹង រក្សាការពារសន្តិសុខសណ្តាប់ធ្នាប់ជូនប្រជាពលរដ្ឋរស់នៅ តាមខ្សែបន្ទាត់ព្រំដែន កម្ពុជា ថៃ ឲ្យបានល្អប្រសើរ ត្រូវត្រៀមកម្លាំងអន្តរាគមន៍ ប្រចាំការ ២៤/២៤ម៉ោង មានក្រមសីលធម៌ល្អ និងជាពិសេសរស់នៅស្អាតជានិច្ច ៕
