អភិបាលរងខេត្តស្វាយរៀង: សូម
បងប្អូនកម្មករកម្មការិនី ចាត់ទុកក្រុមហ៊ុនជាផ្ទះរបស់ខ្លួននិងចេះស្រឡាញ់ការងារ
ខេត្តស្វាយរៀង:លោកហែមពិសិដ្ឋ អភិបាលរងខេត្តតំណាងលោកម៉ែនវិបុល អភិបាលខេត្តស្វាយរៀង បានថ្លែងថា សូមបងប្អូនកម្មករកម្មការិនី ទាំងអស់
ចាត់ទុក ក្រុមហ៊ុនជាផ្ទះរបស់ខ្លួននិងចេះស្រឡាញ់ការងារខិតខំប្រឹងប្រែង អោយក្លាយជាកម្មករឆ្នើមនិងមានបច្ចេកទេសនិងវិជ្ជាជីវះក្នុងខ្លួន។
ការថ្លែងបែបនេះធ្វើឡើងក្នុងពិធី សំណេះសំណាលជាមួយកម្មករចំនួន២៣០០នាក់ និងចែករង្វាន់ដល់បុគ្គលិកឆ្នើមចំនួន៤៦នាក់ នៅរោងចក្រផូឡារីស អឹភែរឹល ឯ,ក
ស្ថិតក្នុងតំបម់សេដ្ឋកិច្ចពិសេស ឈីលូ ក្រុងស្វាយរៀង នារសៀល ថ្ងៃទី៣១ខែឧសភា ឆ្នាំ២០២៣។
ក្នុងឪកាសនោះក៏មានការអញ្ជើញចូលរួមពីសំណាក់ លោកសរសុដានីអភិបាលរងក្រុង តំណាងលោកអភិបាលក្រុងស្វាយរៀង លោកប្រធានរោងចក្រនិងអាជ្ញាធរមូលដ្ឋាន និងបងប្អូនកម្មករចំនួន២៣០០នាក់ផងដែរ។
ក្នុងឪកាសនោះ លោកហែមពិសិដ្ឋ អភិបាលរងខេត្តបានធ្វើការផ្ដាំផ្ញើសាកសួរសុខទុក្ខនឹងនឹករលឹកពីសំណាក់សម្ដេច កិត្តិសង្គហបណ្ឌិត ម៉ែនសំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច
ដល់បងប្អូនកម្មករកម្មការិនីដែលបានចូលរួមនាពេលនេះ។
លោកហែមពិសិដ្ឋ បានបន្តថា ក្នុងនាមរដ្ឋបាលខេត្តសូមថ្លែងអំណរគុណ និងសូមគាំទ្រទាំងស្រុងចំពោះដៃគូវិនិយោគររបស់ក្រុមហ៊ុននៅរោងចក្រផូឡារីស អឹភែរឹល ឯ,ក ដែលបានរៀបចំពិធីផ្តល់រង្វាន់ ដេីម្បីលេីកទឹកចិត្តដល់បុគ្គលិកឆ្នេីមចំនួន៤៦នាក់ ក្នុងការបំរេីការងារបានល្អជូនក្រុមហ៊ុន ផងដែរ។
ហើយមិនតែប៉ុណ្ណោះ សូមស្វាគមន៍យ៉ាងកក់ក្តៅ ចំពោះ ក្រុមហ៊ុនរោងចក្រ ឡារីស អឹភែរឹល ឯ,ក ក្នុងតំបន់សេដ្ឋកិច្ច ឈីលូក្រុងស្វាយរៀងដែល បានមកបណ្តាក់ទុននៅខេត្តស្វាយរៀង ដែលនាំមកនូវផលប្រយោជន៍ដោយបង្កើតបានការងារធ្វើជូនប្រជាពលរដ្ឋក្នុងខេត្តមិនចាំបាច់ចំណាកស្រុកទៅខេត្តក្រៅនោះទេ។
លោក អភិបាលរងខេត្តស្វាយរៀង ក៏បានជម្រុញដល់បងប្អូនកម្មករបម្រើការងារនៅរោងចក្រផូឡារីស អឹភែរឹល ឯ,កទាំងអស់ សូមអញ្ជើញទៅពិនិត្យមើលឈ្មោះ និងចូលរួមបោះឆ្នោត នាថ្ងៃ២៣ខែកក្កដាឆ្នាំ២០២៣ នាពេលខាងមុខអោយបានគ្រប់ៗគ្នា។
សូមបញ្ជាក់ថា នៅក្នុងឱកាសនោះលោក ហែមពិសិដ្ឋ អភិបាលរងខេត្តនិងតំណាងក្រុមហ៊ុន បានចែករង្វាន់បុគ្គលិកឆ្នើមចំនួន៤៦នាក់ជូនដល់កម្មករ និយោជិករបស់ក្រុមហ៊ុន នៅរោងចក្រផូឡារីស អឹភែរឹល ឯ,កដើម្បីជាការលើកទឹកចិត្តក្នុងការខិតខំបំពេញការងារយ៉ាងភាពស្និតស្នាលផងដែរ។
