ខេត្តកំពង់ស្ពឺ៖ លោក សែម សេងលី ជាមន្ត្រីប៉ូលីសក្នុងខេត្តកំពង់ស្ពឺ កំពុងតែតាំងខ្លួនជាអធិរាជដ៏អស់ចា៎ក្នុងមុខរបរជំនួញរកស៊ីឈើនៅអណាចក្រខេត្តកំពង់ស្ពឺ។ នាពេលសព្វថ្ងៃនេះ គេឃើញលោក សែម សេងលី កំពុងតែមានភាពមមាញឹងយ៉ាងខ្លាំងក្នុងមុខរបរជំនួញរកស៊ីឈើដែរកំពុងតែត្រូវប៉ាន់យ៉ាងខ្លាំងទៅក្រៅប្រទេសជាពិសេសនោះនាំចេញទៅប្រទេសវៀតណាម។
ទើបធ្វើអោយមេឈ្មួញម្នាក់នេះភ្លេចពីទួរនាទីរបស់ខ្លួនជាមន្ត្រីប៉ូលីសគិតតែដើរប្រមូលទិញឈើប្រណិតដូចជាប្រភេទឈើធ្នុងនិងឈើម្រេញរាប់សិបម៉ែតគីបនៅក្នុង១ខែៗដើម្បីដឹកយកទៅលក់បន្តអោយក្រុមឈ្មួញជាជនជាតិវៀតណាមដែរចាំទទួលយក២៤ម៉ោងលើ២៤ម៉ោងនោះនៅឯរាជធានីភ្នំពេញនិងខេត្តតាកែវ។
បើតាមប្រភពពីមន្ត្រីម្នាក់ក្នុងខេត្តកំពង់ស្ពឺបាននិយាយប្រាប់ MSJ យើងអោយដឹងថា៖ មេឈ្មួញឈើឈ្មោះសែម សេងលី ម្នាក់ នេះរកស៊ីដឹកជញ្ជូនឈើចេញពីចំណុច(ចំបក់ ក្រាំងដីវ៉ាយ) ដែលជាភូមិសាស្រទឹកដីស្រុកភ្នំស្រួច ។ ហើយអ្វីដែរអស្ចារ្យវិញ ការរកស៊ីឈើនិងដឹកជញ្ជូនឈើចេញពីតំបន់ខាងលើនេះ យូរឆ្នាំណាស់មកហើយ ហើយក៏មន្ត្រីជំនាញណាហ៊ានចេញមុខ បង្ក្រាបទៅលើមេឈ្មួញម្នាក់នេះម្តងណានោះទេដែរគេដាក់ការ សង្ស័យថាប្រហែរជាមេឈ្មួញម្នាក់នេះមានការ ទំនាក់ទំនងត្រូវរូវគ្នាជាមួយមន្ត្រីជំនាញក្នុងខេត្តកំពង់ស្ពឺអស់ហើយមើលទៅ បានជាគ្មានការបង្ក្រាបទៅលើមេឈ្មួញម្នាក់នេះម្តងណាចឹង ដល់ថ្នាក់មេឈ្មួញម្នាក់រកស៊ីដឹកឈើខ្លួនឯងផង និងមានឡានកូរ៉េធន់ធំជាច្រើនទៀត ដើម្បីដាក់ជួលអោយក្រុមឈ្មួញរកស៊ីឈើដូចគ្នាទៀត។
ប្រភពខាងលើបានបន្តទៀតថា៖ ជាពិសេសនោះខាងមន្ត្រីបរិស្ថាន មេព្រៃនិងកំលាំងស៊ីអាយដែរ ឈរជើងនៅចាំគ្រប់គ្រងនៅក្នុងតំបន់ខាងលើនេះមានការដាក់ បណ្តាក់គ្នាចាំដូចជាខ្យងចឹង តែហេតុអ្វីបានជាកំលាំងមន្ត្រីជំនាញទាំង៣ស្ថាប័ននេះមិនហ៊ាន បង្ក្រាបទៅលើមេឈ្មួញដុះស្លែរម្នាក់នេះមូលហេតុអ្វី? បើនិយាយថាអស់លោកមិនដឹងក៏មិនកើត ដែរ ព្រោះការដឹកជញ្ជូនឈើទាំងនេះត្រូវបានមេឈ្មួញម្នាក់នេះធ្វើការដឹកជញ្ជូនចេញពីតំបន់អស់លោកគ្រប់គ្រង។
ជាក់ស្តែង ៖ ដូចជានៅថ្ងៃទី០៧ ខែកញ្ញា ឆ្នាំ២០១៧ចឹង មានការបង្ក្រាបទីតាំងលាក់ឈើ៥កន្លែងផ្សេងគ្នាដែរ ក្រុមឈ្មួញដឹកយកមកលាក់ទុកនៅខាងក្រោយផ្ទះរបស់ប្រជាពលរដ្ឋ ក្នុងឃុំចំបក់ឃុំក្រាំងដីវ៉ាយស្រុក ភ្នំស្រួចខេត្តកំពង់ស្ពឺ ហើយការបង្ក្រាបទីតាំងដាក់ឈើខាងលើនេះ គឺជាមោទនភាពដ៏ល្អមួយសំរាប់កងកំលាំងស្នងការប៉ូលីសខេត្តកំពង់ស្ពឺ បានដកហូតឈើប្រភេទម្រេញរហូលដល់៩៥ដុំ ដែលក្រុមឈ្មួញបំរុងដឹកចេញទៅលក់នៅឯប្រទេសវៀតណាម ។ ហើយរឿងនេះក៏ជាភាពអាម៉ាស់មួយយ៉ាងខ្លាំងសំរាប់មន្ត្រីជំនាញ ដូចជា៖ខាងមេព្រៃបរិស្ថាន និងកំលាំងស៊ីអាយ ដែលឈរជើងចាំគ្រប់គ្រងការពារទប់ស្កាត់មិនអោយកើតមានបទល្មើសដឹកជញ្ជូនឈើនិងកាប់បំផ្លាញព្រៃឈើចេញពីតំបន់ព្រៃការពារ តែហេតុអ្វីបានជាអស់លោកមិនបង្ក្រាប ដែលបទល្មើសកំពុងកើតមានយ៉ាងពេញបន្ទុកនៅក្នុងតំបន់អស់លោកគ្រប់គ្រង។
បញ្ហាខាងលើនេះ សូមឯកឧត្តមរដ្ឋមន្ត្រីក្រសួងបរិស្ថាន ឯកឧត្តម រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តមនាយឧត្តមសេនីយ៍សៅ សុខា ថា្នក់កម្មការជាតិដឹកនាំកងកំលាំចុះបង្ក្រាបបទល្មើសកាប់បំផ្លាញព្រៃឈើ និងដឹកជញ្ជូនឈើខុសច្បាប់ទៅលក់នៅឯក្រៅប្រទេស សូមឯកឧត្តមមេត្តាពិនិត្យមើលមន្ត្រីខឹលខូចមួយក្តាប់តូចនេះផង បើអញ្ចឹងនោះ វិនាសសកម្មនិងឧក្រ័តកម្មដឹកឈើឆ្លងដែនខុសច្បាប់នៅតែបន្តជារៀងរហូត ៕
