កិច្ចប្រជុំគណៈកម្មការសម្របសម្រួល ត្រួតពិនិត្យ និងវាយតម្លៃលើ ការអនុវត្តរបស់រដ្ឋបាលក្រុងស្រុក លើការងារគ្រប់គ្រងសំរាម

(ខេត្តកណ្តាល)៖ ព្រឹកថ្ងៃព្រហស្បតិ៍ ១រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែកុម្ភៈ ឆ្នាំ២០២២ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្តាល បានដឹកនាំកិច្ចប្រជុំគណៈកម្មការសម្របសម្រួល តាមដាន ត្រួតពិនិត្យ និងវាយតម្លៃលើ ការអនុវត្តរបស់ រដ្ឋបាលក្រុង ស្រុក លើការងារគ្រប់គ្រងសំរាម សំណល់រឹង ទីប្រជុំជន ប្រព័ន្ធលូ និងប្រព័ន្ធ ប្រព្រឹត្តកម្មទឹកកខ្វក់ ក្នុងខេត្តកណ្តាល ដោយមានការចូលរួមពីលោក លោកស្រីថ្នាក់ដឹកនាំ និងមន្រ្តីមន្ទីរជំនាញពាក់ព័ន្ធ លោកអភិបាល អភិបាលរងក្រុង ស្រុកទាំង១១ នៃខេត្តកណ្តាល៕