(ខេត្តកំពង់ធំ)៖ឧបករណ៍របាំងលបស្បៃមុងឬសាច់ឈឹបក្រហមខៀវទំនើបជាច្រើនខ្សែ ត្រូវបានអ្នកយកព័ត៌មានយើងប្រទះឃើញកំពុងបង្ហាញវត្តមាន នៅក្នុងតំបន់រ៉ាមសារ ស្ថិតក្នុងភូមិសាស្ត្រ(អៈកន្ទង)និង(តារោង ភូមិ ទួលនាងសាវ ឃុំ ផាត់សណ្ដាយ ស្រុកកំពង់ស្វាយ ខេត្តកំពង់ធំ។​

ជាក់ស្ដែងចាប់តាំងពីទឹកទន្លេមិនឡើង នាក្នុងរដូវបិតនេសាទដែលជារដូវត្រីពងកូនឆ្នាំ2022នេះ របាំងសាច់អួនទំនើបជាពិសេសរបាំងស្បៃមុង ត្រូវបានក្រុមឈ្មួញ ដាក់ពង្រាយស្ទាក់ចាប់ត្រីយ៉ាងពេញបន្ទុក បើយោងតាមសេចក្ដីរាយការណ៍គឺដោយ
សារតែមានការឃុបឃិតគ្នាមានលក្ខណៈជាប្រព័ន្ធជាមួយនឹង សមត្ថកិច្ចពាក់ព័ន្ធ ជាពិសេសគឺលោកនាយកតំបន់ឈ្មោះទីណាន នោះ បានបណ្ដែតបណ្ដោយ អោយមានរបាំងសាច់អួនទាំងនោះក្នុងមួយខ្សែៗមានប្រវែងវែងៗដាក់បន្តគ្នាចាប់ពីក្នុងព្រៃ
រហូតបិតព្រែកតែម្ដង។

យោងតាមប្រភពប្រជាពលរដ្ឋបានឲ្យដឹងថា ការបើកដៃឲ្យមានបទល្មើស របាំងសាច់អួននារដូវបិទនិងបើកនេសាទនេះ ដោយពួកគេមានមេខ្យល់ ប្រមូលលុយរត់ការ បង់ឲ្យសមត្ថកិច្ចគ្រប់ ជំនាញពាក់ព័ន្ធ ជាពិសេស ប្រភពបានបង្ហើបឲ្យដឹងថា បង់ឲ្យលោកនាយកតំបន់រ៉ាមសារឈ្មោះទីណាន ចាប់ពី15មឺុនរៀលរហូត30មឺុនផងដែរ ។

ការបណ្តែតបណ្តោយ ឲ្យមានបទល្មើសនេសាទបែបនេះ ខណៈរដូវត្រីពងកូន គេមិនសង្ឃឹមថា ផលនេសាទមានការកើនឡើង ផ្ទុយទៅវិញ បានបង្ក វិនាសកម្មយ៉ាងធ្ងន់ធ្ងរ ដល់ធនធានមច្ឆាជាតិ ។

បើតាមការរៀបរាប់ពីអ្នកដាក់របាំងលបទាំងនោះ បានឲ្យដឹងថាការដែលពួកគេប្រកបរបដាក់របាំងស្ទាក់ចាប់ត្រីទៅបាននោះ ក៏ដោយសារតែពួកគេអាងមេខ្យល់ពូកែខាងរត់ការ បង់លុយអោយគ្រប់សមត្ថកិច្ចជាពិសេស គឺមន្ត្រីរដ្ឋបាលជលផលនិងលោកនាយកតំបន់រ៉ាមសារលោកទីណានតែម្ដង ទើបពួកគាត់ហ៊ានដាក់ក្នុងតំបន់រ៉ាមសារគឺជាតំបន់ហាមឃាត់វែងៗចឹង ។

ប្រជានេសាទដែលប្រកបមុខរបនេសាទលក្ខណៈគ្រួសារ បានរអូរទាំថា ពីមួយឆ្នាំទៅមួយឆ្នាំ ត្រីកាន់តែក្រទៅៗគឺដោយសារតែមន្ត្រីសមត្ថកិច្ច ជាពិសេសគឺជលផល ចូលដៃចូលជើងជាមួយនឹង ជនល្មើសបង្កើតនូវឧបករណ៏ខុសច្បាប់ ស្ទើតែគ្រប់កន្លែង ជាពិសេស គឺនៅតំបន់រ៉ាមសារ និងនៅតំបន់ផ្សេងៗទៀតជាច្រើនកន្លែងនេះតែម្ដង ។​

ប្រជានេសាទរិះគន់ថា ចាប់តាំងពី លោកប៉ែនវណ្ណារិទ្ធ ឡើងជាប្រធានមន្ទីរកសិកម្មមកគឺបទល្មើសកាន់តែកើនឡើងៗ ដោយក្នុងស្រុកនិមួយៗពោពេញទៅដោយ បទល្មើសគ្រប់ប្រភេទ ទាំងរដូវបិតនេសាទនិងរដូវបើកនោះ ម៉្យាងវិញទៀតនោះគឺស្របពេលថ្នាក់ដឹកនាំរវល់ការងារ មន្ត្រីជើងដប់យើងមួយចំនួនតូចកន្ទេលធំបន្លំដេក​។​

ប្រជាពលរដ្ឋបានអំពាវនាវ សូមឲ្យថ្នាក់លើ ជាពិសេស អភិបាលនៃគណៈអភិបាលខេត្តកំពង់ធំលោកងួនរតនៈ មេត្តាចាត់វិធានការ បង្ក្រាប ឲ្យមានប្រសិទ្ធភាព និងទាន់ពេលវេលា បើពុំនោះសោទ ធនធានមច្ឆាជាតិ ដែលសុទ្ធសឹងជាត្រីមេពូជ ប្រាកដជាហិនហោចមិនខានឡើយ ៕