សម្តេចក្រឡាហោម ស ខេង ដកប្រធាន,អនុប្រធានពន្ធនាគារខេត្តស្ទឹងត្រែង និងមន្រ្តីចំនួន ០៣នាក់
(ភ្នំពេញ)៖ ដកតំណែងប្រធាន ,អនុប្រធានពន្ធនាគារខេត្តស្ទឹងត្រែង និងមន្ត្រីចំនួន ០៣នាក់ផ្សេងទៀតឱ្យទៅបម្រើការងារថ្មីនៅអគ្គនាយកដ្ឋានពន្ធនាគារក្រសួងមហាផ្ទៃ ការដកតំណែងនេះគឺបន្ទាប់ពីកេីតមានរឿងអាស្រូវជាច្រេីននៅក្នុងពន្ធនាគារខេត្តស្ទឹងត្រែង។
នៅថ្ងៃទី១៧ ខែកុម្ភ: ឆ្នាំ២០២២ នឹងធ្វេីពិធីផ្ទេរតំណែងប្រធានពន្ធនាគារខេត្តស្ទឹងត្រែង។
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញប្រកាសផ្ទេរភារកិច្ចមន្ត្រីពន្ធនាគារខេត្តស្ទឹងត្រែង ចំនួន ៥រូប មានដូចជា៖
១. លោកឧត្តមអគ្គាអនុរក្សថ្នាក់លេខ២ ឈុន ដារ៉ា ពីប្រធានពន្ធនាគារខេត្តស្ទឹងត្រែងឱ្យទៅបម្រើការងារថ្មីនៅអគ្គនាយកដ្ឋានពន្ធនាគារ។
២. លោកឧត្តមអគ្គាអនុរក្សថ្នាក់លេខ៣ រស់ សុធា ឱ្យទៅបម្រើការងារនៅអគ្គនាយកដ្ឋានពន្ធនាគារ។
៣. លោកវរអគ្គាអនុរក្សថ្នាក់លេខ១ ជា សុជាតិ ពីអនុប្រធានពន្ធនាគារខេត្តស្ទឹងត្រែងឱ្យទៅបម្រើការងារនៅអគ្គនាយកដ្ឋានពន្ធនាគារ។
៤. លោកវរអគ្គាអនុរក្សថ្នាក់លេខ១ ប៉ិន សំអូន ពីប្រធានការិយាល័យបណ្ដុះបណ្ដាលវិជ្ជាជីវៈនិងមុខរបរពន្ធនាគារខេត្តស្ទឹងត្រែងឲ្យទៅបម្រើការនៅនៅអគ្គនាយកដ្ឋានពន្ធនាគារ។
៥. លោកអគ្គានុរក្សថ្នាក់លេខ១ លាង សំអឿន ពីប្រធានផ្នែកទិន្នន័យនិងបណ្ណសារនៃពន្ធនាគារខេត្តឱ្យទៅបម្រើការងារនៅអគ្គនាយកដ្ឋានពន្ធនាគារ។
តែងតាំងមន្ត្រីពន្ធនាគារថ្មីចំនួន ២រូប គឺលោកឧត្តមអគ្គានុរក្សថ្នាក់លេខ ៣ ប្រាជ្ញ សុភី ឲ្យកាន់មុខតំណែងជាប្រធានពន្ធនាគារខេត្តស្ទឹងត្រែង និងលោកវរអគ្គានុរក្សថ្នាក់លេខ១ រិទ្ធ ឌីណា ឲ្យកាន់តំណែងជាអនុប្រធានពន្ធនាគារខេត្តស្ទឹងត្រែង៕
