ខេត្តបន្ទាយមានជ័យ ៖ ព្រឹកថ្ងៃទី៥ ខែមិនា ឆ្នាំ២០១៧នេះ ព្រះគ្រូចៅអធិការវត្ត ព្រះសង្ឃគ្រប់ព្រះអង្គ អាចារ្យ គណកម្មការ អាជីវករ មន្ត្រីរាជការ សប្បុរសជន និងពុទ្ធបរិស័ទចំណុះជើងវត្តជាច្រើននាក់បានស្រុះស្រួលមូលមតិគ្នាជាឯកច្ឆ័នផ្តួចផ្តើមធ្វើបុណ្យ សិតព្រះស្ពាន់២ព្រះអង្គ និងធ្វើបុណ្យផ្កាប្រាក់សាមគ្គី ដើម្បីប្រមូលបច្ច័យយកទៅកសាងសាលាធម្មសភា ហៅសាលាឆាន់ថ្មី១កន្លែងដែលមានបណ្តោយ៥០ម៉ែត្រ និងទទឺង៣៥ម៉ែត្រសព្វថ្ងៃកំពុងឡើងដំបូលប្រកក្បឿងមានការខ្វះខាកសម្ភារៈជាច្រើនដូចជា ក្បឿង ជាច្រើនពាន់សន្លឹកទៀត។
ពីធីបុណ្យសិតព្រះនិងធ្វើផ្កាប្រាក់សាមគ្គីធ្វើនៅវត្តស្រះត្រាច ស្ថិតនៅក្នុងភូមិ ក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ពិធីនេះមានការចូលរួម លោកសួនបវរអភិបាលខេត្តបន្ទាយមានជ័យ លោក យឹម យឿន ប្រធានមន្ទីរធម្មការនិងសាសនាខេត្តបន្ទាយមានជ័យ និងមន្ត្រីអមដំណើរជាច្រើននាក់ទៀត ។
លោកអាចារ្យ ប្រាក់ សុភ័ណ បានមានប្រសាសាន៍ថា នៅរសៀលថ្ងៃដដែលជួបជុំពុទ្ធបរិស័ទជិតឆ្ងាយធ្វើពិធីបួងសួងក្រុងពាលីលើកជហ្វាដាក់ដំបូលសាលាឆាន់លុះនៅវេលាយប់ធ្វើពិធីសិតព្រះស្ពាន់១អង្គដែលមានកំពស់២.៧០ម៉ែត្រលុះព្រឺកឡើងធ្វើពិធីសិតព្រះ១អង្គទៀត ។
លោកអាចារ្យ ប្រាក់ សុភ័ត បានបញ្ជាក់ទៀតថា ក្នុងនោះមានប្រជាពលរដ្ឋជាច្រើនពាន់នាក់ ដែលមានជុំនឿលើវិស័ព្រះពុទ្ធសាសនាយ៉ាងខ្លាំងនោះបាននាំ ចូលជាថវិការ មាស ប្រាក់ ស្ពាន់ សំណ ឡុងហិន ដើម្បីចាក់ចេញជាព្រះ២អង្គនៅថ្ងៃខាងមុខនេះ ដើម្បីយកទៅកម្កល់ទុកនៅក្នុងវត្តសំរាប់ទុកឲ្យពុទ្ធបរិស័ទបូជាស្វាយដើម្បីចាប់យកមគ្គផលតាមកំលាំងសទ្ធាជ្រះថ្លារៀងខ្លួន ។ ក្នុងនោះ លោក សួន បវរ ក៏បានលើកឡើងពីការរីកចំរើននិងកំពុងអភិ វឌ្ឍន៍ក្នុងខេត្តបន្ទាយមានជ័យ អំពីវិស័យពុទ្ធចក្រវត្តអារាមនិងព្រះសង្ឃជាដើម ។
លោកបានបញ្ជាក់ទៀតថា ការធ្វើបុណ្យផ្កាប្រាក់ និងធ្វើបុណ្យសិតព្រះនេះ គឺជាការលើកស្ទួយដល់វិស័យព្រះពុទ្ធសាសនាយ៉ាងខ្លាំងហើយក្នុងនោះប្រជាពលរដ្ឋកាន់តែមានជំនឿយ៉ាងខ្លាំងនិងប្រសើរឡើងក្នុងការធ្វើបុណ្យទាននិងចូលរួមចំណែក ការកសាងសមិទ្ធផលផ្នែកវិស័យព្រះពុទ្ធសាសនានិងផ្នែកអាណាចក្រឲ្យបានរីកចំរើនរុងរឿងផង ៕
