ខេត្តបន្ទាយមានជ័យ ៖ ព្រឹកថ្ងៃទី៣ ខែមិនា ឆ្នាំ២០១៧ ក្នុងថ្ងៃទិវាសិទ្ធនារីអន្តរជាតិ ៨ មិនានេះ មន្ត្រីរាជការចំនួន២០០នាក់ បានទទួលអំណោយពីលោកជំទាវ ម៉ៅ ម៉ាល័យ កែ គឹមយ៉ាន ប្រធានកិត្តិយសមាគមន៍នារីកម្ពុជាដើម្បីសន្តិភាពអភិវឌ្ឍន៍ និងលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងមន្ត្រីអមដំណើរជាច្រើននាក់ទៀត នៅសាលប្រជុំសាលាស្រុកអូរជ្រៅ ស្ថិតក្នុងភូមិកូប ឃុំកូបលិច ស្រុកអូរជ្រៅ ខេត្តបន្ទាយមានជ័យ ។
ក្នុងនោះ លោក សាន ស៊ានហូ អភិបាលស្រុកអូរជ្រៅបានមានប្រសាសន៍ថា ថ្ងៃនេះជាថ្ងៃ១ដ៏មហាអស្ចារ្យ ដែលស្រុកអូរជ្រៅបានប្រារព្វពិធីមិទ្ទិញទិវា អន្តរជាតិ៨ មិនា ឆ្នាំ២០១៧ ខួបលើកទី១០៦ ក្រោមប្រធានបទស្ត្រី ដើម្បីសុខសន្តិភាពនិងអភិវឌ្ឃន៍ភាព ក្នុងគោលបំណងរំលេចពីតម្លៃសន្តិភាព និងការលើកកំពស់របស់ស្ត្រី ក្នុងវប្បធម៌អហឹង្សា ដែលរាជរដ្ឋាភិបាលបាននិងកំពង់គាំទ្រ ដើម្បីជម្រុញឲ្យមានការចូលរួមពីស្ថាប័ន រួមទាំងបុរស់ស្ត្រី ដើម្បីអភិវឌ្ឍន៍សង្គមឆ្ពោះទៅលើកកំពស់សិទ្ធិនារីស្ថានភាព ជីវភាព ឋានៈតួនាទី របស់ស្ត្រីក៏ដូចជាសុខុមាលភាពសង្គមដោយធ្វើការទប់ស្កាត់និងកាត់បន្ថយអំពើហឹង្សាព្រមទាំងដោះស្រាយជម្លោះនានាដោយសន្តិវិធី ។
លោក សាន ស៊ានហូ បានបញ្ជាក់ទៀតថា មូលហេតុនៃការជ្រើសរើសប្រធានបទ ស្ត្រីដើម្បីសុខសន្តិភាពនិងវឌ្ឍនភាពនេះ ដោយសារសមភាពយេនឌ័រនិងការបង្កើនភាពអង់អាចដល់ស្ត្រីគឺជាកក្តារួមចំណែកធ្វើឲ្យសន្តិភាព សន្តិ សុខ និងអភិវឌ្ឍន៍ភាពយូរអង្វែងរបស់សង្គមជាតិ ។
លោក សាន ស៊ានហូ បានបញ្ជាក់ទៀតថា សុខសន្តិភាពនេះ ហើយវាមានសារៈសំខាន់ណាស់ដែលជាបំណងប្រាថ្នារបស់បុគ្គលគ្រប់រូបគ្រប់វ័យព្រោះបើមានសុខសន្តិភាពមានការអភិវឌ្ឍន៍គ្រប់វិស័យនិងគ្រប់ទីកន្លែង ។
នៅក្នុងនោះផងដែរ លោកជំទាវ ជូ ប៊ុនអេង ក៏បានមានប្រសាសន៍ដែរថា សព្វថ្ងៃនេះស្ត្រីក៏អាចបំរើការងារក្នុងវិស័យសាធារណៈ និងនយោបាយបានដែរ ដើម្បីលើកកំពស់សមភាពយេឌ័រក្នុងការធ្វើសេចក្តីសម្រេចគ្រប់កំរិត និងការបញ្ជ្រាបយេនឌ័រ ក្នុងគោលនយោបាយ ផែនការ និងកម្មវិធីតាមវិស័យ បាននិងកំពង់រួមចំណែកធ្វើការឆ្លើយតបទៅនិងគោលនយោបាយរបស់រដ្ឋាភិបាល ដែលបានចូលរួមរបស់ស្ត្រីក្នុងវិស័យសាធារណៈ ចំពោះមន្ត្រីរាជការជាស្ត្រីកើតឡើងពី ៣៧% ដល់៤០% ស្ត្រីក្នុងតួនាទីធ្វើសេចក្តីសម្រេចបាន ចាប់ពីថ្នាក់ អគ្គនាយក ដល់ការយាល័យ ទាំងថ្នាក់ជាតិ និងថ្នាក់ក្រោមជាតិ ៕
