ខេត្តប៉ៃលិន ៖ ប្រជាពលរដ្ឋរស់នៅតាមចំការ កំពុងតែព្រួយបារម្ភយ៉ាងខ្លាំង ចំពោះសុខភាព ខណៈម្ហូបអាហារជាច្រើន ដូចជា បន្លែ ត្រី សាច់មាន់ ជង្គង់មាន់ ស្លាបមាន់ និងសាច់ជ្រូក ដែលឈ្មួញនាំចូលមកពីប្រទេសថៃ ដោយដឹកតាមម៉ូតូយកទៅលក់ដូរនៅតាមផ្សារ និងតាមចំការនានា ក្នុងខេត្តប៉ៃលិន អត់ឃើញមានខាងពេទ្យសត្វត្រួតពិនិត្យនោះឡើ យ ។
ជាក់ស្តែងកាលពីព្រឹកថ្ងៃទី០៦ ខែកុម្ភៈ ឆ្នាំ២០១៧នេះ ឈ្មួញរកស៊ីដឹកបន្លែ និង សា ច់ទាំងអស់ខាងលើ តាមច្រកទ្វារអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ អត់ឃើញមានខាងជំនាញ ឬពេទ្យសត្វធ្វើការត្រួតពិនិត្យរកសារធាតុគីមីនោះទេ ខណៈខេ ត្តជាច្រើននៅក្នុងប្រទេសកម្ពុជា ត្រូវបានមន្ត្រីកាំកុងត្រូលពិនិត្យទៅលើរបស់ទាំងនោះកា លពីពេលថ្មីៗ ស្រាប់តែរកឃើញសារធាតុគីមី ប៉ះពាល់ដល់សុខភាពជាច្រើន ។
ប្រជាពលរដ្ឋរស់នៅក្នុងក្រុងប៉ៃលិន ក៏ដូចជាអ្នកចំការដាច់ស្រយាល បានលើកឡើ ងថា បច្ចុប្បនសង្ស័យទៅលើម្ហូបអាហារ ដែលពួកគាត់ទិញយកទៅទទួលទានកំពុងតែធ្វើឱ្យពួកគាត់ ជួបការលំបាកយ៉ាងខ្លាំង ដូចជារលាកក្រពះ ពោះវៀន និងអ្នកខ្លះទៀត លើសឈាម កើត ជម្ងឺទឹកនោមផ្អែម ប្រៃ មហារីក ព្រមទាំងបញ្ហាផ្សេងៗជាច្រើន ។ បញ្ហាជំងឺទាំងអស់នេះ ពួកគាត់មន្ទិលថា នៅក្នុងបន្លែ ក៏ដូចជាម្ហូបអាហារ ដែលឈ្មួញដឹកលក់តាមរ៉ឺម៉កម៉ូតូ និង តាមរថយន្តជាដើម អាចមានផ្ទុកទៅដោយសារធាតុគីមីផងដែរ ព្រោះជារៀងរាល់ព្រឹក គេមិនធ្លាប់ឃើញមានខាងជំនាញ ឬខាងពេទ្យសត្វចុះទៅត្រួតពិនិត្យនោះឡើយ ។ ដូច្នេះមនុ ស្សក្មេងចាស់ប្រុសស្រីជាច្រើននាក់ កំពុងតែទទួលរងនូវជំងឺគ្រប់បែបយ៉ាងដែលអ្នកខ្លះមានបញ្ហាក្រពះ ពោះវៀន តាំងពីក្មេង ហើយក៏មើលមិនជាស្លាប់មុនអាយុផងដែរ ។
ពាក់ព័ន្ធទៅនឹងបញ្ហានេះ លោក ខៀវ សុថុន ប្រធានពេទ្យសត្វខេត្តប៉ៃលិន បានឱ្យ ដឹងថា ការនាំទំនិញត្រីសាច់នាំពីប្រទេសថៃមកខាងលោកមិនបានត្រួតពិនិត្យនោះទេ ដោយសារតែការនាំចូលតិចតួចប៉ុណ្ណោះ ប្រហែល១គីឡូ២គីឡូ ហើយនៅថ្ងៃខាងមុខលោ កនឹងធ្វើការត្រួតពិនិត្យ ។ ប៉ុន្តែដោយសារបច្ចុប្បន្នខាងក្រសួងអត់ទាន់ឱ្យមានច្បាប់ទូលំទូ លាយ ហើយខាងលោកក៏ធ្លាប់ឈរអមជាមួយខាងមន្ត្រីកាំកុងត្រូលដែរ តែមិនបានធ្វើការ ពិនិត្យផ្ទាល់ដៃនោះទេ ។ លោកបញ្ជាក់ថា ចំណែកការនាំរបស់មាន់រស់ឬគ្រឿងហូបច្រើន នោះខាងលោកមិនដឹងថាមានច្រើនឬយ៉ាងណានោះទេ ។ តែទោះបីជាយ៉ាងណាក៏ដោយខាងលោកនឹងយកចិត្តទុកដាក់ចំពោះបញ្ហាមួយនេះ ដើម្បីសុខភាពប្រជាព លរដ្ឋរស់នៅក្នុងក្រុងប៉ៃលិន ទាំងមូលផងដែរ ៕
ដោយ ៖ នីយ៉ា
