ខេត្តរតនគិរី៖ សមត្ថកិច្ចនគរបាលខេត្តចេញប្រតិបត្តិការបង្ក្រាបរថយន្តកាំម៉ារីដឹកឈើប្រណិត១គ្រឿង ខណៈកំពុងធ្វើដំណើរនៅលើដងផ្លូវជាតិលេខ៧៨ រួចប្រគល់ជូនរដ្ឋបាលព្រៃឈើ។ ហេតុការបង្ក្រាបធ្វើឡើង កាលពីវេលាម៉ោង ២និង៣០នាទី យប់អធ្រាត្រ ថ្ងៃទី៦ ខែកុម្ភៈ ឆ្នាំ២០១៧នេះស្ថិតក្នុងភូមិ១ សង្កាត់កាចាញ ក្រុងបានលុងខេត្តរតនគិរី។
សមត្ថកិច្ចបានឲ្យដឹងថា រថយន្តកាំម៉ារី ពណ៌ទឹកប្រាក់ពាក់ ស្លាកលេខបាត់ដំបង 2A-1428 និងឈើប្រណីតជាច្រើនដុំ ម្ចាស់មិនស្គាល់សាវតា។
ប្រភពអោយដឹងថា មុនឈានទៅដល់ការបង្ក្រាបខាងលើនេះបានសមត្ថកិច្ចបានទទួលពត៍មានសម្ងាត់មកថាមានរថយន្តលួចដឹកឈើប្រណិតដោយខុសច្បាប់សមត្ថកិច្ចនគរបាលបានសំុគោលការណ៍ថ្នាក់លើចាប់បង្ក្រាបបានតែម្តង។
ប្រភពបន្តថា ភ្លាមៗនោះដែរអ្នកបើក រថយន្តដឹកឈើបានរត់គេចខ្លួនបាត់ផងដែរ ហើយសមត្ថកិច្ចបានយកវត្ថុតាងមករក្សាទុក នៅស្នងការដ្ឋាននគរបាលខេត្តរតនគិរី ។
សូមបញ្ជាក់ផងដែរ ៖ វាជារឿងថ្មីមួយចម្លែក ព្រោះកន្លងមក រថយន្តដឹកឈើប្រណិតរាប់សិបគ្រឿងនៅខេត្តរតនគិរីបានធ្វើជំនួញដោយខុសច្បាប់ដឹកជញ្ចូនយកទៅកាន់ប្រទេសវៀតណាមគេមិនឃើញមានអស់លោកបង្ក្រាបសោះពតែពេលនេះបង្ក្រាបយកស្នាដៃ ប្រហែលឈ្មួញខានបង់ប្រាក់ឬចាប់អាតូចលេងអាធំ ដូច្នេះមហាជនគាត់ក៏រងចាំមើលអស់លោកបន្តទៀតដែរ ៕
