កំពង់ធំ: ឈ្មួញឈើដុះស្លែរប្រចាំស្រុកសណ្ដាន់ ឈ្មោះ លន ចាន់ថា ជាមន្រ្ដីសាលាស្រុកសណ្ដាន់ តែងតែយកតួនាទីរបស់ខ្លួនជាមន្រ្ដីមករកស៊ីឈើ ដឹកជញ្ចូនឈើយ៉ាងរលូន ដោយដឹកចេញពីតំបន់៩៩ ស្ថិតនៅអូរពកសាមគ្គី ឃុំមានរិទ្ធ ស្រុកសណ្តាន់ ខេត្តកំពងធំ។ ចេញទៅលក់បន្តរនៅ ភូមិ តាអោក ឃុំឈូក ស្រុកប្រាសាទសំបូរ ខេត្តកំពង់ធំ។
ជាក់ស្ដែងឈ្មួញដុះស្លែរខាងលើបានធ្វើសកម្មភាពជាញឹកញាប់ ជាពិសេស នៅយប់ថ្ងៃទី៧ ខែធ្នូ ឆ្នាំ២០២១ វេលាម៉ោង១២និង២០ ត្រូវបានកម្លាំងអន្តរាគមន៍ដឹកនាំដោយលោកអភិបាលរងស្រុកសណ្ដាន់ លោក គង់សុភា បានសហការជាមួយកម្លាំងអធិការដ្ឋានស្រុកសណ្ដាន់ មានការចូលរួមពីកម្លាំងនគរបាលប៉ុស្ដិ ឈើទាល ស្ទាក់ចាប់បាននៅត្រង់ចំណុចភូមិ ឈើទាល ឃុំឈើទាល ស្រុកសណ្ដាន់ ខេត្តកំពង់ធំ បន្ទាប់មកបានយកទៅរក្សាទុកនៅសង្កាត់រដ្ឋបាលព្រៃឈើសណ្ដាន់បណ្ដោះអាសន្នរងចាំចំណាត់ការតាមផ្លូវច្បាប់។
ប្រជាពលរដ្ន មន្រ្ដីរាជការ ស្នើរអោយ លោក អ៊ុត វណ្ណរ៉ា អភិបាលស្រុកសណ្ដាន់ មេត្តាពិនិត្យមើលមន្រ្ដីក្រោមឪវាទផង ជាពិសេស លោក ងួន រតនះ អភិបាលខេត្តកំពង់ធំគួរដកមន្រ្ដីខាងលើចេញ ដើម្បីអោយគាត់មានសិទ្ធិរកស៊ីឈើបានពេញលេញមិនប៉ះពាល់ដល់កេរ្ដិ៍ឈ្មោះមន្រ្ដីរាជការថា រកស៊ីឈើ ៕
លោក លន ចាន់ថា បានផ្ដល់បទសម្ភាសតាមទូស័ព្ទនៅរសៀលថ្ងៃទី៨ខែ ធ្នូ ឆ្នាំ២០២១ថា លោកមិនបានដឹងថាជាឈើអ្នកណាទេ រួចក៏បិតទូស័ព្ទទៅវិញដោយឆ្លើយថាជាប់រវល់។
