រដ្ឋលេខាធិការ ក្រសួងការពារជាតិ និងជា អគ្គលេខាធិការ នៃក្រុមប្រឹក្សាកំណែទម្រង់កងយោធពលខេមរភូមិន្ទបានដឹកនាំកិច្ចប្រជុំការងារកំណែទម្រង់ កងយោធពលខេមរភូមិន្ទ៥ឆ្នាំ (២០១៥-២០១៩) និងទិសដៅ៥ឆ្នាំ(២០២០-២០២៤)
រសៀលថ្ងៃទី៨ ខែធ្នូ ឆ្នាំ២០២១ នាយឧត្តមសេនីយ៍ ភួង សុីផាន រដ្ឋលេខាធិការ ក្រសួងការពារជាតិ និងជា អគ្គលេខាធិការ នៃក្រុមប្រឹក្សាកំណែទម្រង់កងយោធពលខេមរភូមិន្ទបានអញ្ជើញជាអធិបតីដ៏ខ្ពង់ខ្ពស់ក្នុងកិច្ចប្រជុំការងារពិភាក្សាជាមួយក្រុមការងារស្រាវជ្រាវកំណែទម្រង់រយៈពេល៥ឆ្នាំកន្លងទៅ(២០១៥-២០១៩) និងលើកទិសដៅសម្រាប់៥ឆ្នាំបន្ទាប់ នៃកងយោធពលខេមរភូមិន្ទ និងបានការអអ្ជើញអមដំណើរដោយ ឧត្តមសេនីយ៍ឯក ខឹម ជាសាខឿន មេបញ្ជាការង នាយសេនាធិការ កងទ័ពជើងគោក និងមានការអញ្ជើញចូលរួមពីសំណាក់ ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ ព្រមទាំងមេបញ្ជាការរង នាយសេនាធិការ នាយសេនាធិការរង នាយការិយាល័យចំណុះយោធភូមិភាគទី៥។
ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានឡើងអានរបាយការណ៍៥ឆ្នាំ(២០១៥-២០១៩) ជូនគណៈអធិបតី តាមរយៈពេល៥ឆ្នាំ មកនេះ យោធភូមិភាគទី៥បានអនុវត្តភារកិច្ចការពារប្រជាធិបតេយ្យ បូរណភាពទឹកដី ពង្រឹងប្រៀបការពារជាតិលើគ្រប់វិស័យ នៅតាមតំបន់ព្រំដែន ធ្វើការល្បាតជាប្រចាំដើម្បីត្រួតពិនិត្យ គ្រប់គ្រងសភាពការណ៍ និងភូមិសាស្ត្រទទួលខុសត្រូវ ចូលរួមទប់ស្កាត់បទល្មើសផ្សេងៗ និងសកម្មភាពឆ្លងដែនខុសច្បាប់ ព្រមទាំងបានបន្តកិច្ចសហប្រតិបត្តិការល្អជាមួយប្រទេសជិតខាង ដោះស្រាយបញ្ហាផ្សេងៗ ដែលកើតមានដោយសន្តិវិធី ប្រែក្លាយតំបន់ព្រំដែន ជាព្រំដែនដែលប្រកបដោយសុខសន្តិភាព អភិវឌ្ឍន៍ និងកិច្ចសហប្រតិបត្តិការ។
នាយឧត្តមសេនីយ៍ ភួង សុីផាន រដ្ឋលេខាធិការ ក្រសួងការពារជាតិ និងជា អគ្គលេខាធិការ នៃក្រុមប្រឹក្សាកំណែទម្រង់កងយោធពលខេមរភូមិន បានមានប្រសាសន៍កោតសរសើរដល់យោធភូមិភាគទី៥ ដែលបានសម្រេចលិទ្ធផលការងារល្អប្រសើរកន្លងមក និងបានផ្ដាំផ្ញើដល់ទីបញ្ជាការ យោធភូមិភាគទី៥ ដែលខិតខំយកចិត្តទុកដាក់អនុវត្តការងារបានល្អកន្លងមក ត្រូវខិតខំប្រឹងបន្តទៀតដាក់ចេញផែនការការងារហ្វឹកហ្វឺនបណ្តុះបណ្តាលនាយទាហានបន្តវេនឲ្យបានល្អប្រសើរ ដើម្បីចូលរួមកសាងសមត្ថភាពកងយោធពលខេមរភូមិន្ទកាន់តែមានសមត្ថភាពខ្ពស់ បន្តប្រុងប្រយ័ត្នចំពោះជំងឺកូវីដ-១៩ និងអនុវត្តន៍វិធានការ៣កុំ ៣ការពារអោយបានខ្ជប់ខ្ជួន៕
