ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា និងជាប្រធានក្រុមសមាជិករដ្ឋសភាវ័យក្មេងកម្ពុជា បានដឹកនាំកិច្ចប្រជុំជាមួយសមាជិក ដើម្បីតាមដាន វឌ្ឍនភាព ក្រុមការងារតាក់តែង តួនាទី ភារកិច្ច និងរបៀបរបបធ្វើការរបស់ក្រុមសមាជិករដ្ឋសភាវ័យក្មេងកម្ពុជា
កណ្តាល: នារសៀលថ្ងៃទី៨ ខែធ្នូ ឆ្នាំ២០២១ ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា និងជាប្រធានក្រុមសមាជិករដ្ឋសភាវ័យក្មេងកម្ពុជា បានដឹកនាំកិច្ចប្រជុំជាមួយសមាជិក ដើម្បីតាមដាន វឌ្ឍនភាព ក្រុមការងារតាក់តែង តួនាទី ភារកិច្ច និងរបៀបរបបធ្វើការរបស់ក្រុមសមាជិករដ្ឋសភាវ័យក្មេងកម្ពុជា លើការរៀបចំតាក់តែង សេចក្តីព្រាងសេចក្តីសម្រេចស្តីពីការរៀបចំ និងប្រព្រឹត្តទៅរបស់ក្រុមសមាជិករដ្ឋសភាវ័យក្មេងកម្ពុជា។
សូមជម្រាបជូនថា កាលពីខែកក្កដា ឆ្នាំ២០២១កន្លងទៅនេះ សម្តេចប្រធានរដ្ឋសភានៃព្រះរាជាណាចក្រកម្ពុជា បានផ្តល់សេចក្តីគាំទ្រ និង តែងតាំង ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភា ជាប្រធានក្រុមសមាជិករដ្ឋសភាវ័យក្មេងកម្ពុជា។
ក្រុមសមាជិករដ្ឋសភាវ័យក្មេងកម្ពុជា គឺជាសេនាធិការជូនរដ្ឋសភាក្នុងការដឹកនាំ សម្របសម្រួល និងចូលរួម សកម្មភាព នានា ជាមួយ សមាជិក សភាវ័យក្មេងនៃបណ្តាប្រទេសជាមិត្តក្នុងនីតិកាលទី៦នៃរដ្ឋសភា។
