ខេត្តរតនគិរី ៖ មន្ត្រីដែលមានតួនាទីត្រួតពិនិត្យរាល់ទំនិញចេញនៅច្រកទ្វារអន្តរជាតិអូរយ៉ាដាវ ត្រូវបានគេសង្ស័យថាទទួលសំណូកក្រោមតុជាថ្នូរនឹងការអនុញ្ញាតអោយឈ្មួញដឹកសត្វគោចូលពីវៀតណាមបន្ថែមទៀត។
ហេតុការណ៍ដែលគួរអោយភ្ញាក់ផ្អើបានកើតឡើងកាលពីរសៀលថ្ងៃទី១៨ ខែមករា ឆ្នាំ២០១៧តាមបណ្កោយផ្លូវជាតិលេខ៧៨។
បើតាមសម្តីមន្ត្រីនៅច្រកទ្វារអន្តរជាតិអូរយ៉ាដាវ មួយរូបបានអោយដឹងថា យ៉ាងហោចណាស់មានរថយន្តកុងវល្តិ៍ចំនួន២គ្រឿងផ្ទុកសត្វគោទាំងញី និងឈ្មោ ទាំងតូចទាំងធំ ជាង១០០ក្បាលត្រូវបានឈ្មួញដឹកចេញពីប្រទេសវៀតណាម។ ហើយត្រូវបានគេសង្ស័យថាមិនបានបង់ពន្ធជូនរដ្ឋ ឫឈ្មួញបង់លុយក្រោមតុអោយគណកម្មការច្រកទ្វារ ប្រធានស្នាក់ការគយ និងរដ្ឋករ ព្រមទាំងប្រធានស្នាក់ការកាន់កុងត្រូល។
ក្នុងរយៈពេលចាប់តាំងពីចុងឆ្នាំ២០១៥ រហូតដល់ឆ្នាំដើមឆ្នាំ២០១៦ នៅពេលថ្មីនេះគេសង្កេតឃើញមន្ត្រីទាំងស្ថាប័ននោះអនុញ្ញាតអោយឈ្មួញនាំសត្វគោរាប់ម៉ឺនក្បាលចូលមកខេត្តរតនគិរី ហើយពេលថ្មីៗនេះនាំចូលចំនួនពីរថយន្តកុងវល្លិ៍ថែមទៀត។
រយៈកាលកន្លងមកគេសង្កេតឃើញនាំគោក្របីពីប្រទេសថៃ កម្ពុជា ចូលទៅប្រទេសវៀតណាម តែពេលថ្មីនេះ គេសង្កេតឃើញមានឈ្មួញវៀតណាមនាំសត្វគោលរាប់ក្បាលចូលមកខេត្តរតនគិរីម្តង។
ក្នុងករណីមេឈ្មួញវៀតណាមនាំសត្វគោរាប់ម៉ឺនក្បាលចូលមកខេត្តរតនគិរី ហើយបង់ពន្ធជូនរដ្ឋមួយក្បាលប៉ុន្មាន ឫទទួលសំណូបក្រោមតុនោះលោកអាន អង្គារ៉ា ប្រធានស្នាក់ការគយ និងរដ្ឋករ ។ ចំពោះគោដែលមានសុខភាពល្អ ឫឆ្លងរោគនោះ លោក ហេង សាយ ប្រធានស្នាក់ការកាន់កុងត្រូល និងតើមានច្បាប់ទំលាប់ចូលរបៀមិញៗនោះ លោក កង សារឿន ប្រធានគណកម្មការច្រកទ្វារមិនអាចសុំការបំភ្លឺណាមួយបានទេនៅព្រឹកថ្ងៃទី១៩ ខែមករា ឆ្នាំ២០១៧ ។
ជុំវិញការនាំសត្វគោតាមច្រកទ្វារអន្តរជាតិអូរយ៉ាដាវ រយៈកាលកន្លងមករាប់ម៉ឺនក្បាលលោកជួប ចំរើនប្រធានសាខាគយ និងរដ្ឋករ ហើយបង់ពន្ធជូនរដ្ឋថាមួយក្បាលប៉ុន្មាននោះ លោកជួប ចំរើន ប្រធានសាខាគយ និងរដ្ឋករ មិនអាចសុំការបំភ្លឺដោយទូរស័ព្ទលោកហៅចូលជាច្រើនដងពុំមានអ្នកទទួល។
គួររំលឹកផងដែ ររយៈកាលកន្លងមកក្រុមហ៊ុនហ័ងអាញ់យ៉ាឡាយ និងក្រុមហ៊ុនម៉ាងយ៉ាងខេ នាំទំនិញសព្វសារពើចូលតាមច្រកទ្វារអូរយ៉ាដាវ នោះមានតែឯកឧត្តម គុណ ញឹម នាយកទីចាត់ការគយ និងរដ្ឋករទើបមានសិទ្ធិសួរនាំលោកជួប ចំរើន និងលោកអាន អង្គរ៉ា ក្នុងការប្រមូលពន្ធចូលរដ្ឋ៕
