ភ្នំពេញ ៖ នៅព្រឹកថ្ងៃទី១៤ ខែមករា ឆ្នាំ២០១៧នេះ បានរៀបចំសន្និបាតបូកសរុបលទ្ធផលការងារ របស់គណៈកម្មាធិការគណបក្ស សង្កាត់ស្រះចក ដែលបានរៀបចំឡើងនៅក្នុងបរិវេណវត្តវិមានតេជៈ (ហៅវត្តស្រះចក) សង្កាត់ស្រះចក ខណ្ឌ័ដូនពេញ រាជធានីភ្នំពេញនិងមានការចូលរួម ពីសមាជិកសមាជិការបក្ស មកពីបណ្តាភូមិទាំងអស់ ក្នុងសង្កាត់ស្រះចកប្រមានជិត១០០០នាក់។
សន្និបាតបក្សនេះ រៀបចំឡើងដើម្បីត្រួតពិនិត្យ និងវាយតម្លៃលទ្ធផល នៃការអនុវត្តគោលនយោបាយ របស់គណបក្ស សម្រាប់អភិវឌ្ឍន៍រយៈពេល៥ឆ្នាំ (ឆ្នាំ២០១២ ដល់ឆ្នាំ២០១៧) និងលើកទិសដៅភារកិច្ចដាក់ចេញនូវកម្មវិធីនយោបាយ របស់គណៈកម្មាធិការគណបក្សសង្កាត់ សម្រាប់អភិវឌ្ឍន៍ពីឆ្នាំ២០១៧-២០២២ និងដំណើរការបោះឆ្នោតស្ទាបស្ទង់មតិ ដើម្បីធ្វើការជ្រើសរើសបេក្ខជន ដែលត្រូវឈរឈ្មោះ បោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី៤ ដែលប្រព្រឹត្តទៅនៅ ថ្ងៃទី0៤ ខែមិថុនា ឆ្នាំ២០១៧ ខាងមុខ។នៅក្នុងកម្មវិធីអង្គសន្និបាតនេះបានលើកឡើងថា ដើម្បីធានាបាននូវភាពរលូន និងរបៀបរៀបរយ នៃដំណើរការសន្និបាត គណៈកម្មាធិការគណបក្ស ឃុំសូមឲ្យសមាជិក-សមាជិកាទាំងអស់ អនុវត្តឲ្យបានត្រឹមត្រូវ តាមកម្មវិធី និងសេចក្តីប្រកាសផ្សេងៗរបស់អង្គសន្និបាត ហើយតាមដាន ស្តាប់របាយការណ៍ និងមុនពេលអនុម័តបញ្ហាផ្សេងៗ សូមយកចិត្តទុកដាក់ឲ្យមាន សាមគ្គីភាពផ្ទៃក្នុង អនុវត្តឲ្យបានត្រឹមត្រូវ ប្រកបដោយ ប្រសិទ្ធភាព គុណភាព និងតម្លាភាព៕
ដោយ ហុក វិបុល
]
