ខេត្តប៉ៃលិន ៖ លោកឧត្តមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន បា នសង្កត់ធ្ងន់ថា បើមានកន្លែងស្អាតល្អហើយ ត្រូវតែរួមគ្នាជួយអនាម័យកន្លែងធ្វើការ និង ប រិវេណស្នងការដ្ឋាន ។ បុស្តិ៍នគរបាលរដ្ឋបាល ត្រូវតែជួយធ្វើចរាចរណ៍ ដល់សិស្សានុសិស្សជារៀង រាល់ម៉ោងចូល និងចេញពីរៀននៅតាមបណ្តាសាលារៀននីមួយៗ ហើយរៀងរាល់បីខែម្តង ត្រូវ ធ្វើការត្រួតពិនិត្យនូវសារធាតុគ្រឿងញៀនលើកងកម្លាំងទាំងអស់ បើពិនិត្យទៅឃើញមាន សារធាតុញៀន ត្រូវតែកាត់ក្របខណ្ឌមន្ត្រីរាជការនោះចោល ។ ម្យ៉ាងវិញទៀត មន្ត្រីរូបណាអ សកម្មក្នុងការងារ និងសេរីពេក ត្រូវតែផ្អាកប្រាក់បៀរវត្សន៍នៅធនាគារ និងទទួលទោសតា មវិន័យរបស់កងកម្លាំង ។
លោក ជា ចាន់ឌិន មានប្រសាសន៍ដូចនេះ កាលពីព្រឹកថ្ងៃ៣០ ខែធ្នូ ឆ្នាំ២០១៦ ក្នុងពិធីបើកកិច្ចប្រជុំរួមមួយនៅក្នុងសាលប្រជុំធំ ដែលទើបនឹងកែលម្អរួច នៃស្នងការដ្ឋាននគរបាលខេត្ត ដោយដឹកនាំកងកម្លាំងក្រោមឱវាទចូលរួមចំនួន១៥១នាក់ ក្នុងនោះស្រី១៤នាក់ ។
លោកបានបន្តទៀតថា មន្ត្រីរូបណាដែលជាប់ពាក់ព័ន្ធនឹងបទឧក្រិដ្ឋ ត្រូវតែបញ្ជូន ទៅកាន់តុលាការ ដោយមិនចាំបាច់ដាក់វិន័យអ្វីនោះឡើយ ហើយខាងការិយាល័យបុគ្គលិក ត្រូវ តែអនុវត្តន៍ ពិនិត្យមើល និងរក្សារបៀបរៀបរយ និងវិន័យរបស់កងកម្លាំង ។ លើសពី នេះគ្រប់ស្នងការរងទាំងអស់ ត្រូវតែកាន់ទូរស័ព្ទប្រចាំបញ្ជា និងដេកនៅកន្លែងធ្វើការជារៀ ង រាល់ថ្ងៃវេណប្រចាំការ ហើយកងកម្លាំងទាំងអស់ ត្រូវមានឈ្មោះបោះឆ្នោត និងចូលរួមបោះ ឆ្នោតផងដែរ ។ បើអនុវត្តមិនបានទេ ត្រូវតែទទួលវិន័យ ឬកាត់ក្របខណ្ឌចោលតែម្តង ។
លោកបញ្ជាក់ថា មន្ត្រីអនុវត្តច្បាប់ មិនត្រូវអនុវត្តហួសហេតុ និង លើសពីនិតិវិធីនោះឡើយ ពោលគឺកងកម្លាំងទាំងអស់ ត្រូវតែចេះធ្វើលំហាត់ប្រាណ ដើម្បីសុខភាពខ្លួនឯង និងរួមគ្នា បង្ការ និងទប់ស្កាត់បញ្ហាករណីអគ្គីភ័យ ដែលគ្រប់បណ្តាបុស្តិ៍ មិនត្រូវផឹកស៊ីនៅកន្លែងធ្វើការ ជារៀងរាល់ម៉ោងធ្វើការនោះឡើយ ដោយត្រូវពង្រឹងការយាមល្បាតតាមបណ្តាកន្លែងលក់ មាស ប្តូរប្រាក់ និងកន្លែងសំខាន់ៗ ។ ជាពិសេសមន្ត្រីជំនាញទាំងអស់ ត្រូវតែមានកិច្ចសហ ការល្អជាមួយគ្នាទៅវិញទៅមក មិនត្រូប្រចាំគ្នានោះឡើយ ។ ចំណែកប្រជាពលរដ្ឋនៅពេលឮស្នងការមានការប្តេជ្ញាចិត្ត និងវិធានការបែបនេះ ធ្វើ ឱ្យពួកគាត់ម្នាក់ៗ អរសប្បាយយ៉ាងខ្លាំងរកអ្វីប្រៀបផ្ទឹមពុំបានឡើយ ហើយក៏រង់ចាំមើលថា តើមន្ត្រីនគរបាលយុត្តិធន៌ទាំងនោះពិត ជាអនុវត្តច្បាប់ តាមការអះអាងរបស់ លោកស្នង ការនគរបាលខេត្តឬអត់ ។
ម្យ៉ាងវិញទៀត បើខាងមន្ត្រីនគរបាលអនុវត្តដូចផែនការមួយ នេះប្រាកដមែន នោះភូមិ ឃុំ ស្រុក នឹងគ្មានការភ័យព្រួយបារម្ភ ក្រែងមានករណីចោរលួចឆក់ប្លន់អ្វីទៀតឡើយ ។ ជាក់ស្តែងបច្ចុប្បន្ននេះ បញ្ហាល្បែងស៊ីសងគ្រប់ប្រភេទ ល្បែងកន្ទុយលេខឆ្នោត និង បញ្ហាគ្រឿងញៀនកំពុងតែរីករាលដាលដូចផ្សិត នៅពេញពាសក្នុងភូមិ ដោយ គ្មាននគរបាលណាម្នាក់ចុះទៅបង្ក្រាបនោះឡើយ ដោយមាននគរបាលមួយចំនួនបែរជាប ណ្តែតបណ្តោយឱ្យបទល្មើសកាន់តែកើនឡើង ដោយមានការត្រូវរ៉ូវគ្នារវាងជនល្មើសនិងសមត្ថកិច្ចផងដែរ ។ ដូច្នេះហើយ ទើបការលុបបំបាត់ករណីខុសច្បាប់ទាំងអម្បាលម៉ានខាងលើនេះ មិនអាចធ្វើទៅបាននោះឡើយ ។
ពួកគាត់ក៏សង្ឃឹមទុកជាមុនថា ស្នងការនគរបាលខេត្តប៉ៃ លិន និយាយបែបនេះហើយ កូនចៅនឹងស្តាប់តាម ថែមទាំងអនុវត្តយ៉ាងល្អទាំងអស់គ្នាថែម ទៀតផង ៕
ដោយ ៖ នីយ៉ា
